Fór á hjóli í Gömlu borgina í Varsjá

undir lok júní ’26 til að teikna

og svo ók ég hring um Reykjanesið í gegnum Grindavík,

út á Reykjanes og þaðan í Hafnir og Hvalsnes, Sandgerði og Garð sunnudaginn 26. júlí 2026

Náði mér í nýjar skissubækur á Netinu og Tombow penna sem eru skemmtilegir til að byrja skissur með, leggja grunn og skilgreina form. Síðan má halda áfram og lita með samskonar pennum eða beita vatnslitum. Hér eru nokkrar skissur gerðar með þessari aðferð.

Síðustu daga hefur verið heitt en ekki þó yfirþyrmandi

Þegar ein beygja í lífinu breytir miklu

Stundum þarf maður að brjótast út úr aðstæðum.

Nýleg hjólaði ég í miðborg Varsjár til þess að kaupa nýjar skissubækur.

Fann þær í góðri búð og keypti þrjár.

Þær kostuðu hver um sig eins og skáldsaga

enda þótt í þeim væru ekki staf að finna.

Bækurnar þrjár eru frá Þýskum framleiðanda

sem heitir Hahnemühle og kostuðu 14 þúsund ÍKR.

Ég þurfti smá atrennu til að byrja á fyrstu bókinni

v.þ.a. mér fannst ég fastur í einhverjum gír og það þarf áræðni til að byrja á nýrri, dýrri bók.

Og svo fór ég á vefinn og fann hann Toby sem er skissari sem hefur léttan stíl og frjálsan. Sjá tengil neðanmáls.

Ég hef oft séð myndbönd með honum og nú kíkti ég aftur á kallinn.

Og viti menn.

Ég fann aftur þennan lausa stíl, opnaði fyrstu dýru bókina

og hóf að skissa.

Hér eru nokkrar . . .

Smelltu á áfram til að skoða!

Í dag hjólaði ég í miðborgina í 27 gráðu hita og sól.

Yndislegt veður og þægilegt.

Ég stefndi á „Stalíns-tertuna“

og turnana sem kallast á við þá stóru og miklu byggingu.

Ég skissaði með blýanti og svo málaði ég fyrsta vask, eins og það er kallað á vatnslitamáli.

Tók skissuna svo heim og kláraði hana þar.

Hér eru tvær myndir,

önnur af fyrsta vaski

og hin af verkinu loknu.

Segja má að hér kallist á

kommúnisminn og kapitalisminn

með þessum miklu turnum.

Í gær, 17. júní, hjólaði ég að Vistúlu og málaði þar mynd af þjóðarleikvangi Pólverja sem er við ána en margar brýr tengja borgarhluta m.a. ný göngubrú sem er hreint listaverk hvað hönnun varðar. En nú var ég við gamla brú og teiknaði og málaði á staðnum.

Hina myndina málaði ég fyrir u.þ.b. mánuði í gamla borgarhlutanum.

Þetta eru skissur, sumar teiknaðar og málaðar mjög hratt, aðrar hægar, sumar þokkalegar og aðrar fá að fljóta með þrátt fyrir byrjendabrag sinn. Þetta er bara dægrastytting sem gaman er að glíma við.

Takið viljann fyrir verkið!

Ég keypti skissubók með 100 gr/m2 sem er alltof þunnur fyrir vatnsliti svo ég er að reyna að fylla hana út og klára.

Svona er nú nytjahyggjan sem ég lærði á lífsleiðinni, sparsemi og allt það.

9. júní – færslur