Á þeim eru tvær hliðar að minnsta kosti – en ekki ein!
(Til áréttingar og útskýringar: Þessi ályktun er skrifuð í samhengi einhliða ályktana gegn Ísrael eins og um einn deiluaðila sé að ræða en ekki tvo)
Viltu lesa og/eða hlusta?
Átökin í Palestínu hófust í kjölfar morðarásar Hamas á ísraelska borgara og gíslatöku 7. október 2023.
Palestínumenn kusu Hamas yfir sig í lýðræðislegum kosningum en samtökin eru ein hryllilegustu samtök ómenna í heiminum og eru studd dyggilega af stjórnvöldum í Íran og trúarleiðtogum islam þar í landi og víðar. Og þeir vaða í peningum og morðtólum.
Hamas hefur innrætt heilum kynslóðum barna í Palestínu, taumlaust hatur á Gyðingum og borgurum Ísraelsríkis og að útrýma beri öllu þess fólki.
Hamas hirðir ekkert um íbúana á Gaza og notar almenning sem skjöld í brjálæði sínu og taumlausu hatri, sem byggir á trúarsetningum þeirra.
Friður getur orðið þegar Hamas leggur niður vopn, skilar gíslum og líkum þeirra sem meðlimir samtakanna hafa svívirt og myrt með köldu blóði.
Ósk mín og bæn er sú að Hamas snúi frá útrýmingarherferð sinni, sem er hér með fordæmd og lýst sem ómennskri og djöflullegri, og að stjórnvöld í Ísrael hætti, að því skilyrði uppfylltu, öllum hernaðaraðgerðum á Gaza.
Ók til Grindavíkur og fylgdi Kristrúnu til grafar en hún starfaði með mér af miklum áhuga í safnaðarstarfi Grindavíkurkirkju á árunum 1985-1990.
Yndisleg manneskja sem brá birtu yfir lífið með afstöðu sinni, glaðlegum tilsvörum og jákvæðni. Hún var heil í sinni trú og einlægt Guðs barn alla tíð og sönn fyrirmynd sem slík.
Ég sat aftast í kirkjunni til að sjá vel yfir og leyfði mér að skissa þrjár myndir.
Bið fólk að taka viljann fyrir verkið.
Jesús kyrrir vind og sjó Tilbrigði við altaristöfluna stóru sem er mósaikmynd gerð eftir olíumálverki Ásgríms Jónssonar sem var í gömlu kirkjunni sem nú er aflögð
Gaman var að hitta Grindvíkinga, sem eru keikir þrátt fyrir ótrúlegar hamfarir, sem breytt hafa lífi þeirra allra.
Séra Jóna Kristín Þorvaldsdóttir, jarðsöng en hún tók við af mér í Grindavík á sínum tíma og er nú sóknarprestur á Fáskrúðsfirði, á sínum æskuslóðum.
Séra Jóna Kristín flutti frábær minningarorð, teiknuð hér við altarið undir mósaikverkinu stóra
Guð blessi minningu Kristrúnar Bogadóttur og allt hennar fólk, Grindvíkinga alla og ástvini.
Húsatóftir sem nú er golfskáli Teiknað á leiðinni til baka úr kirkjugarðinum
Megi Grindavík rísa upp úr ösku, sprungum og hrauni, til nýrrar og bjartrar framtíðar.
Í hinni fögru Fossvogskapellu kveðjum við Emil Guðmundsson og þökkum fyrir líf hans og störf. Þetta er síðasta byggingin sem hann dvelur í á lífsvegi sínum. Líkja má kapellunni með sínum fögru gluggum og sögu þeirra um þjáningu Krists og dýrð, að hún sé eins og hótelmóttaka. Hingað er hann kominn og héðan fer hann á sinn hinsta hvílustað, þegar við höfum kvatt hann, bókaður til hvílu í helgum reit til að bíða hinsta útkalls og birðingar til mikilvægustu ferðar tilverunnar með himininn sjálfan að marki og borg Guðs. Og lykilinn hefur hann með sér í trúnni á miskunn Guðs og elsku.
Afi og elsta barnabarnið, Máni Lucjan f. 2004. Afi í heimsókn í Róm í september 2024, foreldrar Mána: Hrafnhildur Arnardóttir aka Shoplifter og Michal JurewiczF.v. Úrsula dóttir Hrafnhildar og Mihá f. 2007, afi Örn, Katrín f. 2009, Ástrós Ynja f. 2003 og Arnfríður f. 2006, dætur Svölu Bjarkar og Þorsteins Gunnars Ólafssonar, sem búa í Lúxemborg. Myndin tekin í Höfuðstöðinni í Reykjavík í ágúst 2023Yngsta afastelpan, Miriam Anna f. 2024 býr í Varsjá, foreldrar Örn B jr. og Kasia. Myndin tekin vorið 2025
Hofskirkja undir lok vetrarPassíusálmalestur í Hofskirkju, föstudaginn langaStaldrað við á leið út á Tanga – Ásbrandsstaðir í HofsárdalStepen J. Yates við orgelið á kirkjuloftinu í Þórshafnarkirkju á 2. í páskumTekin gröf að Hofi – frost í jörðuSkissuæfing af ímynduðum hjólreiðamönnumPrestssetrið að Hofi teiknað í gegnum sáluhliðið og klerkur skáldaður inn í myndina í hempu og með pípuhatt!
You must be logged in to post a comment.