Vatnslitamynd gærdagsins 23. febrúar 2026

Messuheimsókn Glitnisbræðra á stofndegi stúkunnar 11. janúar 2026 en þá voru liðin 51 ár frá stofnun hennar.

Jónas Þórir, kantor Reglunnar og organisti Bústaðakirkju stjórnaði tónlist ásamt Jóni Kristni Cortez. Söngsveit Glitnis söng og fyrir altari þjónuðu séra Laufey Brá Jónsdóttir og séra Leifur Ragnar Jónsson sem prédikaði.

Ég skissaði 3 myndir meðan á messunni stóð og birti þær hér með beiðni um að sjáendur taki viljann fyrir verkið.

Smelltu á nafn færslunnar til að sjá allar myndirnar.

5 mínútna skissur liðinna vikna,

teiknaðar með blekpenna

og með vatnsheldu bleki

svo engu er unnt að breyta!

Litað með vatnslitum.

Málaði þessar fyrir all nokkru eftir að hafa heimsótt Jökulfirði í fyrsta sinn á ævinni, sem ber vott um mikið seinlæti Vestfirðings.

Myndirnar eru teiknaðar með blekpenna sem gerir þær hráar og sérstakar. Allt gert með vilja!

Myndirnar eru báðar til sölu en ljósmyndir af vatnslitaverkum teknar á síma verða aldrei eins og frummyndin t.d. er kartonið snjóhvítt í raun en verður blátt á myndinni!

Nokkur riss frá síðustu tveim vikum eða svo

– sept/okt 2025