Writer – Painter – Theologian
Rithöfundur – Málari – Guðfræðingur
“Six Tuscan Poets” by the Italian Renaissance painter, architect, and art historian Giorgio Vasari
Í dag hjólaði ég í miðborgina í 27 gráðu hita og sól.
Yndislegt veður og þægilegt.
Ég stefndi á “Stalíns-tertuna”
og turnana sem kallast á við þá stóru og miklu byggingu.
Ég skissaði með blýanti og svo málaði ég fyrsta vask, eins og það er kallað á vatnslitamáli.
Tók skissuna svo heim og kláraði hana þar.
Hér eru tvær myndir,
önnur af fyrsta vaski
og hin af verkinu loknu.
Segja má að hér kallist á
kommúnisminn og kapitalisminn
með þessum miklu turnum.
Í gær, 17. júní, hjólaði ég að Vistúlu og málaði þar mynd af þjóðarleikvangi Pólverja sem er við ána en margar brýr tengja borgarhluta m.a. ný göngubrú sem er hreint listaverk hvað hönnun varðar. En nú var ég við gamla brú og teiknaði og málaði á staðnum.
Hina myndina málaði ég fyrir u.þ.b. mánuði í gamla borgarhlutanum.
Þetta eru skissur, sumar teiknaðar og málaðar mjög hratt, aðrar hægar, sumar þokkalegar og aðrar fá að fljóta með þrátt fyrir byrjendabrag sinn. Þetta er bara dægrastytting sem gaman er að glíma við.
Takið viljann fyrir verkið!
Í Málfarsbanka voru þessi verðmæti lögð þar inn á reikning:
“Í sögu Davíðs Stefánssonar, Sólon Islandus, kemur fram að Sölvi Helgason var stórlega ýkinn. Þar segir m.a. frá því að hann þóttist hafa keppt við ítalskan reiknimeistara. Ítalinn reiknaði barn í konu en Sölvi reiknaði það úr henni eða eins og segir í sögunni:
þá tókst þeim ítalska að reikna barn í eina danska. Ég var viðbúinn og reiknaði það strax úr henni;
Og loks tókst mér að reikna tvíbura í eina afríkanska, og var annað barnið hvítt en hitt svart. . . . “
Vísindaafrek þetta virðist endurtekið hægri/vinsti á síðustu dögum. Konan í reiknisdæmum sérfræðinga heitir Evrópa og sýnist sitt hverjum um fegurð hennar og atgervi.
Ég hef dvalið í Varsjá í einar 6 vikur nú í maí/júní 2026 og hafði með mér kreditkort til að geta varið eftirlaunum mínum risaháum – eða þannig – í nauðsynjar hér á bæ í Sléttumannalandi en svo var Pólland kallað forðum daga.
Þetta land er nú í Evrópusambandinu og í reikningum Moggans skv. blaði dagsins 13. júní 2026, þurfa Pólverjar að greiða langtum stærri hlut af sínum launum til kaupa á nauðsynjum en við Íslendingar þegar miðað er við hlutfall af ráðstöfunartekjum eins og það heitir á háskólamáli lélegsvísinda, afsakið félagsvísinda.
En nú er ég hér með mínar fáu, mánaðarlegu eftirlaunakrónur og allt er hér á hálfvirði og jafnvel kostar ekki nema einn-þriðja-part af því sem það kostar heima.
Nú er ég mjög efins um að við eigum að ganga í EU, en er nema von að mér finnist snillingarnir heima hafi reiknað eins og Sölvi Helgason sagði að unnt væri að gera, barn í konu og úr henni aftur?
Ég bar spyr.
Ég keypti skissubók með 100 gr/m2 sem er alltof þunnur fyrir vatnsliti svo ég er að reyna að fylla hana út og klára.
Svona er nú nytjahyggjan sem ég lærði á lífsleiðinni, sparsemi og allt það.
9. júní – færslur
2. júní 2026
Helgarskissur 30.-31. maí ‘26
Minnismerki um hetjur
Það horfir ekki friðvænlega í heiminum um þessar mundir. Hef dvalið mánuð í Póllandi. Saga landsmanna er mörkuð styrjöldum og átökum í rás sögunnar.
Maí 2026
Smelltu á fyrirsögnina og þá birtast fleiri!
(more…)