Örn Bárður Jónsson – and "BARD-art"

Grein um átökin á Gaza þar sem mikilvægar staðreyndir koma fram

eftir blaðamanninn Joseph Farah, sem er af arabískum uppruna.

Heyrum hvað Joseph Farah hefur að segja.

Örn Bárður Jónsson þýddi og les þýðingu sína upp sem tekur tæpar 6 mínútur í hlustun:

Smelltu á fyrirsögnina til að sjá allan texta greinarinnar!

Ég er Arabi og hætti aldrei að velta fyrir mér: hvernig uppgötvuðu allir þessir Palestínumenn skyndilega þjóðerni sitt – eftir að Ísrael vann stríðið? [Líklega vísar hann hér til Sexdagastríðsins árið 1967)

Sannleikurinn er sá að Palestína er ekki raunveruleg, ekki frekar en þrítugasta konungsríkið. Palestína hefur aldrei verið til sem sjálfstæð eining, hvorki fyrr né síðar. Henni var til skiptis stjórnað af Róm, múslimum, krossförum, Ottómanveldinu og, í mjög stuttan tíma, Bretlandi – eftir Fyrri heimsstyrjöldina.

Það var Bretland sem samþykkti að skila að minnsta kosti hluta af þessu landi til Gyðinga sem heimalandi þeirra. Það er ekkert tungumál til sem kallast palestínska. Engin ósvikin palestínsk menning fyrirfinnst. Það hefur aldrei verið til land sem kallast Palestína stjórnað af Palestínumönnum. Palestínumenn eru Arabar, ekkert ólíkir Jórdaníumönnum, Sýrlendingum, Líbönum, Írökum o.s.frv.

Munið að Arabar stjórna 99,9 prósentum af landinu í Mið-Austurlöndum. Ísrael er aðeins einn tíundi hluti af einu prósenti af öllu landsvæðinu. En það er of mikið fyrir Araba. Þeir vilja allt. Og þetta er einmitt ástæðan fyrir því að stríðið í Ísrael er í gangi í dag. Græðginni má líkja við stolta sprund. Öfund. Græðgi. Sama hve mikið af landi Ísraelar hafa gefið eftir, þá munu þær eftirgjafir aldrei duga Aröbum.

Hvað með hina helgu staði múslima? Þeir eru ekki í Jerúsalem. Ertu hissa? Ég bjóst ekki við að þú heyrðir þennan harða sannleika frá einhverjum í alþjóðlegum fjölmiðlum. Ég veit hvað þú ætlar að segja mér: Farah, Al-Aqsa moskan og Omar moskan [allar í Jerúsalem] eru meðal þriggja helgustu staða innan íslam. Nei, það er ekki rétt.

Kóraninn segir reyndar ekkert um Jerúsalem. Mekka er mörghundruð sinnum nefnd í ritinu. Medína er þar nefnd ótal sinnum. Jerúsalem er hvergi nefnd í Kóraninum.

Engar lögmætar fullyrðingar eru til. Ísrael stal engu landi. Ísrael skapaði ekki flóttamannakreppu. Ísrael kúgaði ekki „palestínsku þjóðina“. Allt þetta bull hef ég hrakið þúsund sinnum með hreinum staðreyndum og sannleika.

Átökin milli íslamskra öfgamanna og Gyðinga í Mið-Austurlöndum eru í raun mjög einföld. Íslamskir öfgamenn vilja alla Gyðinga dauða, meðan Gyðingarnir vilja hins vegar lifa. Og eins og átökin sýna eru þessir tveir þættir ósamrýmanlegir. Því engar jarðneskar tilslakanir duga til að seðja villidýrið. Þorsta þess eftir blóði og völdum verður aðeins svalað með dauða og tortímingu hinna vondu.

Joseph Farah, er blaðamaður af arabískum uppruna,

ritstjóri og eigandi fréttavefsins World Net Daily.

——————————————-

Hér er landakort sem sýnir hvernig Þjóðabandalagið gaf Bretum umboð til að stjórna Palestínu árið 1922 sem fól í sér allt landsvæðið bæði austan og vestan Jórdanár. Austurhluti þessa landsvæðið, „Trans-Jordan“ eða „Landið handan Jórdanár“, fól í sér 77% þess lands sem kallað er Palestína (sjá neðri myndina, gula svæðið).

Stóra spurningin er:

HVERS VEGNA KREFUR ENGINN JÓRDANÍU UM AÐ SKILA EINNI TOMMU LANDI TIL PALESTÍNUMANNA?

Mynd af höfundi við Faðir vor bænina á íslensku í Jerúsalem en það var Herra Pétur Sigurgeirsson biskup sem gekkst í að koma því upp í Jerúsalem: