Örn Bárður Jónsson – and "BARD-art"

Fann meðfylgjandi brag á ensku hjá Bókabéusum á Fésinu og prófaði að snúa honum á íslensku.

Hlusta? – það tekur rúma eina mínútu!

–

Ég sótti digra dreka heim,

daginn er ártug náði,

og fór í glæsta ferð um geim,

galt hetjum beittu háði.

–

Ég barðist einn við tignar tröll

og trylltan hákarl hamdi,

vitjaði kanínu í vesturhöll,

varðist og drauga lamdi.

–

Í djúpið sótti í kafbáts skel,

svipt’upp leynihólfum,

um tómið fór í tímansvél,

tiginn á hallargólfum.

–

Ég ólmur rauk í fjanda flas,

fann gull og gnótt í stíu,

um þetta allt í bókum las,

er náð’eg árum tíu.

—

Höfundur: Jack Prelutsky

Þýðing: Örn Bárður Jónsson 5.12.2024

Frumtextinn: