{"id":3409,"date":"2022-08-22T16:41:09","date_gmt":"2022-08-22T16:41:09","guid":{"rendered":"http:\/\/ornbardur.com\/2022\/08\/22\/asta-sigurros-sigmundsdottir-1917-2022\/"},"modified":"2022-08-22T16:41:09","modified_gmt":"2022-08-22T16:41:09","slug":"asta-sigurros-sigmundsdottir-1917-2022","status":"publish","type":"post","link":"https:\/\/ornbardur.com\/?p=3409","title":{"rendered":"+\u00c1sta Sigurr\u00f3s Sigmundsd\u00f3ttir 1917-2022"},"content":{"rendered":"\n<figure class=\"wp-block-image size-large\"><img loading=\"lazy\" decoding=\"async\" width=\"616\" height=\"638\" src=\"http:\/\/localhost:8081\/wp-content\/uploads\/2022\/08\/fw-er-thessi-betri-framan-acc81-skracc81na.png?w=616\" class=\"wp-image-3406\" \/><\/figure>\n\n\n\n<p class=\"wp-block-paragraph\">\u00d6rn B\u00e1r\u00f0ur J\u00f3nsson<\/p>\n\n\n\n<p class=\"wp-block-paragraph\">Minningaror\u00f0<\/p>\n\n\n\n<p class=\"wp-block-paragraph\"><strong>\u00c1sta Sigurr\u00f3s Sigmundsd\u00f3ttir<\/strong><\/p>\n\n\n\n<p class=\"wp-block-paragraph\">fr\u00e1 \u00cdsafir\u00f0i<\/p>\n\n\n\n<p class=\"wp-block-paragraph\">f. 22. \u00e1g\u00fast 1917, d. 18. j\u00fal\u00ed 2022<\/p>\n\n\n\n<p class=\"wp-block-paragraph\">\u00datf\u00f6r fr\u00e1 K\u00f3pavogskirkju, f\u00e6\u00f0ingardag hennar, fyrir 105 \u00e1rum, m\u00e1nudaginn 22. \u00e1g\u00fast 2022 kl. 13<\/p>\n\n\n\n<p class=\"wp-block-paragraph\">R\u00e6\u00f0an, b\u00e6\u00f0i texti og hlj\u00f3\u00f0upptaka eru \u00ed n\u00e6stu smellu. Kve\u00f0jur eru ekki \u00e1 uppt\u00f6kunni, en texti \u00feeirra er ne\u00f0anm\u00e1ls.<\/p>\n\n\n\n<p class=\"wp-block-paragraph\">S\u00e1lmaskr\u00e1in er einnig ne\u00f0an\u00e1ls.<\/p>\n\n\n\n<!--more-->\n\n\n\n<figure class=\"wp-block-audio\"><audio controls src=\"https:\/\/pub-c849b6aaf98340c4bec7b480b0f7ffe9.r2.dev\/2022\/08\/acc81sta-s.-sigmundsd-1917-2022.m4a\"><\/audio><\/figure>\n\n\n\n<p class=\"wp-block-paragraph\"><\/p>\n\n\n\n<p class=\"wp-block-paragraph\">\u00cd dag h\u00f6ldum vi\u00f0 h\u00e1t\u00ed\u00f0 er vi\u00f0 minnumst \u00c1stu Sigurr\u00f3sar Sigmundsd\u00f3ttur. H\u00fan var\u00f0 elst allra \u00edslendinga er h\u00fan l\u00e9st \u00ed li\u00f0num m\u00e1nu\u00f0i.<\/p>\n\n\n\n<p class=\"wp-block-paragraph\">\u00dear sem \u00e9g sat og rita\u00f0i \u00feessi minningaror\u00f0 s.l. laugardag, s\u00e1 \u00e9g f\u00f3lk fyrir utan gluggann heima sem hlj\u00f3p mara\u00feon fyrir menningarn\u00f3tt me\u00f0fram S\u00e6brautinni me\u00f0 hv\u00edtfyssandi b\u00e1rur \u00ed bakgrunni \u00e1 Sundum, \u00ed nor\u00f0anstrekkingi upp\u00e1 6 metra \u00e1 sek\u00fandu og 10 gr\u00e1\u00f0um \u00e1 cels\u00edus. L\u00e9ttf\u00e6tt hraustmenni, konur og karlar \u00e1 l\u00edfsveginum og \u00fear voru allir a\u00f0 reyna a\u00f0 sigra, hver \u00e1 sinn h\u00e1tt. L\u00edfi\u00f0 er langhlaup og \u00c1sta n\u00e1\u00f0i gullinu, h\u00fan komst lengst allra landsmanna.<\/p>\n\n\n\n<p class=\"wp-block-paragraph\">Og vi\u00f0 notum or\u00f0i\u00f0 afm\u00e6li \u00e1 \u00cdslensku. \u00c9g veit ekki til \u00feess a\u00f0 samb\u00e6rilegt hugtak finnist \u00ed \u00f6\u00f0rum tungum\u00e1lum. Vi\u00f0 m\u00e6lum af \u00e6vinni og \u00fev\u00ed lengur sem vi\u00f0 f\u00e1um m\u00e6lt, \u00feeim mun betra. \u00cd dag eru li\u00f0in 105 \u00e1r fr\u00e1 f\u00e6\u00f0ingu hennar og vi\u00f0 h\u00f6ldum h\u00e1t\u00ed\u00f0 og \u00fe\u00f6kkum fyrir l\u00edf hennar, gle\u00f0i og dugna\u00f0, \u00fathald og \u00ferautseigju \u00ed dagsins \u00f6nn.<\/p>\n\n\n\n<p class=\"wp-block-paragraph\">\u00datf\u00f6r er au\u00f0vita\u00f0 sorgarstund vegna \u00feess a\u00f0 l\u00edf er hvatt og eftirsj\u00e1 er a\u00f0 manneskju sem marka\u00f0i dj\u00fap spor \u00ed l\u00edf afkomenda, \u00e1stvina og samf\u00e9lags, en \u00feessi kve\u00f0justund er jafnframt h\u00e1t\u00ed\u00f0.<\/p>\n\n\n\n<p class=\"wp-block-paragraph\">\u00c9g f\u00e9kk \u00ed hendur texta fr\u00e1 fj\u00f6lskyldunni sem er hryggjarstykki\u00f0 \u00ed \u00feessum minningaror\u00f0um hva\u00f0 var\u00f0ar sta\u00f0reyndir um \u00e6vi hennar og uppruna.<\/p>\n\n\n\n<p class=\"wp-block-paragraph\">\u00c1sta Sigurr\u00f3s Sigmundsd\u00f3ttir f\u00e6ddist \u00e1 \u00cdsafir\u00f0i \u00feann 22. \u00e1g\u00fast 1917, barn hj\u00f3nanna J\u00fal\u00ed\u00f6nu \u00d3lad\u00f3ttur, h\u00fasfreyju og verkakonu og Sigmundar Brandssonar, j\u00e1rnsmi\u00f0s.<\/p>\n\n\n\n<p class=\"wp-block-paragraph\">Systkini \u00c1stu voru: Anna Krist\u00edn Bj\u00f6rnsd\u00f3ttir, f. 1908, d. 1993, \u00deorbj\u00f6rg, f. 1913, d. 1913, \u00d3li J\u00f3hannes f. 1916, d. 2000 og Dan\u00edel G.E., f. 1916, d. 2002.<\/p>\n\n\n\n<p class=\"wp-block-paragraph\">\u00cd manntali fr\u00e1 \u00e1rinu 1917 segir, a\u00f0 hj\u00f3nin hafi b\u00fai\u00f0 a\u00f0 Tangag\u00f6tu 20 \u00e1 \u00cdsafir\u00f0i \u00e1samt \u00feremur b\u00f6rnum s\u00ednum \u2013 tv\u00edburum f\u00e6ddum 1. apr\u00edl 1916 og \u00c1stu \u2013 sem reyndar var sk\u00edr\u00f0 \u00c1str\u00ed\u00f0ur en breytti nafni s\u00ednu vi\u00f0 fermingu.<\/p>\n\n\n\n<p class=\"wp-block-paragraph\">A\u00f0 auki bj\u00f3 vetrarst\u00falka \u00ed h\u00fasinu, J\u00f3hanna Bjarnad\u00f3ttir og 9 \u00e1ra st\u00falka sem hj\u00f3nin h\u00f6f\u00f0u fengi\u00f0 til f\u00f3sturs a\u00f0eins 4 m\u00e1na\u00f0a gamla. S\u00fa var systurd\u00f3ttir Sigmundar, Anna Krist\u00edn Bj\u00f6rnsd\u00f3ttir a\u00f0 nafni, fr\u00e1 H\u00f3lum \u00ed Reykh\u00f3lasveit. H\u00fan var ellefu \u00e1ra \u00feegar Sigmundur f\u00f3stri hennar l\u00e9st \u00e1ri\u00f0 1919 og bau\u00f0st henni \u00fe\u00e1 a\u00f0 fara til foreldra sinna og systkina, en h\u00fan kaus a\u00f0 vera hj\u00e1 f\u00f3stru sinni og hj\u00e1lpa til vi\u00f0 uppeldi yngri barnanna \u00e1 heimilinu.<\/p>\n\n\n\n<p class=\"wp-block-paragraph\">\u00de\u00f3tt \u00cdsafj\u00f6r\u00f0ur v\u00e6ri einn helsti verslunarsta\u00f0ur landsins \u00f3lust systkinin upp \u00ed b\u00e6jarf\u00e9lagi \u00fear sem allir \u00feekktu alla. Samf\u00e9lagi\u00f0 t\u00f3kst saman \u00e1 vi\u00f0 \u00fdmsar \u00e1skoranir og t.a.m. starfa\u00f0i Hj\u00e1lpr\u00e6\u00f0isherinn \u00ed b\u00e6num og bau\u00f0 sk\u00f3lab\u00f6rnum a\u00f0 bor\u00f0a \u00ed h\u00e1deginu ef a\u00f0st\u00e6\u00f0ur kr\u00f6f\u00f0ust \u00feess \u2013 t.d. ef foreldrar voru vi\u00f0 vinnu e\u00f0a l\u00edti\u00f0 var til \u00e1 heimilunum.<\/p>\n\n\n\n<p class=\"wp-block-paragraph\">\u00c1sta missti ung f\u00f6\u00f0ur sinn, en m\u00f3\u00f0ur hennar \u00e1samt f\u00f3sturd\u00f3tturinni, \u00d6nnu Krist\u00ednu, t\u00f3kst a\u00f0 halda saman fj\u00f6lskyldunni me\u00f0 mikilli vinnu og \u00fatsj\u00f3narsemi.<\/p>\n\n\n\n<p class=\"wp-block-paragraph\">Og \u00e6vin heldur \u00e1fram me\u00f0 gla\u00f0v\u00e6r\u00f0 bernskunnar en hlj\u00f3\u00f0l\u00e1tum en skerandi s\u00e1rsauka. \u00c1sta var \u00e1 \u00f6\u00f0ru \u00e1ri og skildi l\u00edtt hva\u00f0 \u00e1 gekk, en \u00e1n efa skynjar barni\u00f0 sorg m\u00f3\u00f0ur og \u00e1stvina, skynja\u00f0i a\u00f0 eitthva\u00f0 alvarlegt haf\u00f0i \u00e1tt s\u00e9r sta\u00f0.<\/p>\n\n\n\n<p class=\"wp-block-paragraph\">\u00dea\u00f0 kom s\u00e9r vel a\u00f0 b\u00f6rnin f\u00e6ru \u00ed sveit \u00e1 sumrin og fengju oft eitthva\u00f0 matarkyns me\u00f0 s\u00e9r heim \u00e1 haustin, t.d. kj\u00f6t sem var \u00fdmist salta\u00f0 e\u00f0a so\u00f0i\u00f0 ni\u00f0ur \u00ed krukkur og d\u00f3sir. Eins og \u00e1 flestum heimilum var teki\u00f0 sl\u00e1tur \u00e1 Tangag\u00f6tunni, safta\u00f0 og sulta\u00f0. Haf\u00f0i \u00c1sta oft \u00e1 or\u00f0i hve mamma hennar hef\u00f0i gert g\u00f3\u00f0an haustmat og alltaf reynt a\u00f0 hafa n\u00f3g til vetrarins. H\u00fasm\u00f3\u00f0irin J\u00fal\u00edana greip til \u00fdmissa r\u00e1\u00f0a til a\u00f0 halda heimilinu gangandi, leig\u00f0i \u00fat herbergi \u00ed h\u00fasi fj\u00f6lskyldunnar og s\u00e1 leigjendum fyrir f\u00e6\u00f0i. Smi\u00f0juna \u00ed kjallaranum nota\u00f0i J\u00fal\u00edana til a\u00f0 sv\u00ed\u00f0a hausa og lappir og brennimerkja \u00fdmislegt fyrir f\u00f3lk, en j\u00e1rnsmi\u00f0urinn Sigmundur haf\u00f0i b\u00fai\u00f0 til brennimerki fyrir sitt f\u00f3lk og a\u00f0ra \u00ed b\u00e6num sem s\u00ed\u00f0an var nota\u00f0 til a\u00f0 merkja eitt og anna\u00f0.<\/p>\n\n\n\n<p class=\"wp-block-paragraph\">Hver fj\u00f6lskylda \u00e1tti sitt mark til a\u00f0 merkja sl\u00e1tri\u00f0.<\/p>\n\n\n\n<p class=\"wp-block-paragraph\">L\u00edfsbar\u00e1ttan var h\u00f6r\u00f0 og einst\u00e6\u00f0 m\u00f3\u00f0ir \u00feurfti a\u00f0 huga a\u00f0 m\u00f6rgu, tryggja a\u00f0 b\u00f6rnin v\u00e6ru \u00ed \u00f6ruggum h\u00f6ndum me\u00f0an h\u00fan stunda\u00f0i s\u00edn st\u00f6rf. Algengt var a\u00f0 b\u00f6rn v\u00e6ru send \u00ed sveit \u00e1 sumrin.<\/p>\n\n\n\n<p class=\"wp-block-paragraph\">\u00c1sta f\u00f3r kornung \u00ed sveit nor\u00f0ur \u00e1 Sta\u00f0 \u00ed Grunnav\u00edk \u00ed J\u00f6kulfj\u00f6r\u00f0um til presthj\u00f3nanna sr. J\u00f3nmundar Halld\u00f3rssonar og konu hans, Gu\u00f0r\u00fanar J\u00f3nsd\u00f3tttir. \u00dear undi h\u00fan s\u00e9r vel og hugsa\u00f0i alla t\u00ed\u00f0 me\u00f0 hl\u00fdhug til dvalarinnar \u00fear. S\u00ed\u00f0ar var h\u00fan hj\u00e1 skyldf\u00f3lki s\u00ednu \u00ed M\u00fdrartungu \u00ed Reykh\u00f3lasveit og um l\u00edkt leyti voru tv\u00edburabr\u00e6\u00f0urnir Dan\u00edel og \u00d3li \u00ed Nesi \u00e1 Kr\u00f3ksfjar\u00f0arnesi, \u00e1 Kambi og \u00ed sveitinni \u00fear um kring.<\/p>\n\n\n\n<p class=\"wp-block-paragraph\">\u00c1 yngri \u00e1rum f\u00f3r \u00c1sta t\u00f6luvert \u00e1 sk\u00ed\u00f0i \u00e1 \u00cdsafir\u00f0i, stunda\u00f0i g\u00f6ngufer\u00f0ir og t\u00f3k \u00fe\u00e1tt \u00ed unglingastarfi \u00ed b\u00e6num. H\u00fan lauk gagnfr\u00e6\u00f0apr\u00f3fi og f\u00f3r \u00ed H\u00fasm\u00e6\u00f0rask\u00f3lann \u00d3sk \u00e1 \u00cdsafir\u00f0i. H\u00fan var \u00ed vist hj\u00e1 Mar\u00edu og P\u00e9tri Njar\u00f0v\u00edk \u00e1 Gr\u00e6nagar\u00f0i og passa\u00f0i drengina \u00feeirra, Hallgr\u00edm og Nj\u00f6r\u00f0.<\/p>\n\n\n\n<p class=\"wp-block-paragraph\">\u00cdsafj\u00f6r\u00f0ur hverfur aldrei \u00far minni okkar sem \u00fear f\u00e6ddumst og \u00f3lumst upp. Fj\u00f6llin, fj\u00f6r\u00f0urinn og logni\u00f0 fylgja okkur, tignarleg n\u00e1tt\u00faran b\u00fdr \u00ed brj\u00f3sti okkar eins og verndandi afl.<\/p>\n\n\n\n<p class=\"wp-block-paragraph\">\u00cdsfir\u00f0ingurinn, Nj\u00f6r\u00f0ur P. Njar\u00f0v\u00edk, sem \u00c1sta g\u00e6tti er hann var barn, segir \u00ed lj\u00f3\u00f0i s\u00ednu:<\/p>\n\n\n\n<p class=\"wp-block-paragraph\">Eins og vatn \u00ed l\u00f3fa<\/p>\n\n\n\n<p class=\"wp-block-paragraph\">er ver\u00f6ld m\u00edn<\/p>\n\n\n\n<p class=\"wp-block-paragraph\">fj\u00f6r\u00f0ur milli fjalla<\/p>\n\n\n\n<p class=\"wp-block-paragraph\">fjara sem birtist og hverfur<\/p>\n\n\n\n<p class=\"wp-block-paragraph\">s\u00f3l sem r\u00eds yfir tind<\/p>\n\n\n\n<p class=\"wp-block-paragraph\">og t\u00fdnist \u00ed sk\u00f6r\u00f0um<\/p>\n\n\n\n<p class=\"wp-block-paragraph\">myrkur sem skr\u00ed\u00f0ur \u00far gj\u00f3tum<\/p>\n\n\n\n<p class=\"wp-block-paragraph\">gilj\u00f3ttra fjalla<\/p>\n\n\n\n<p class=\"wp-block-paragraph\">sj\u00f3r sem er logn<\/p>\n\n\n\n<p class=\"wp-block-paragraph\">og l\u00f6\u00f0randi brim<\/p>\n\n\n\n<p class=\"wp-block-paragraph\">fiskur fl\u00e6ktur \u00ed net<\/p>\n\n\n\n<p class=\"wp-block-paragraph\">fj\u00f6ll og himinn<\/p>\n\n\n\n<p class=\"wp-block-paragraph\">ver\u00f6ld m\u00edn<\/p>\n\n\n\n<p class=\"wp-block-paragraph\">eins og vatn \u00ed l\u00f3fa<\/p>\n\n\n\n<p class=\"wp-block-paragraph\">(Leitin a\u00f0 fjarskanum, \u00fatg. 1990, s.33)<\/p>\n\n\n\n<p class=\"wp-block-paragraph\">\u00de\u00e1 var \u00c1sta einnig \u00ed vist hj\u00e1 hj\u00f3nunum fr\u00fa Gertrud Henriette og Hans Georg H\u00e4sler bakarameistara og kynntist \u00e1 heimili \u00feeirra \u00fdmsu framandi \u00ed matarger\u00f0 og si\u00f0um. \u00dear var og til fallegt postul\u00edn og hreifst h\u00fan mj\u00f6g af \u00fe\u00fdska laukmynstrinu og eigna\u00f0ist s\u00ed\u00f0ar matar- og kaffistell me\u00f0 sama bl\u00e1a munstri.<\/p>\n\n\n\n<p class=\"wp-block-paragraph\">\u00cd heimildarmynd Helga Felixsonar um \u00dej\u00f3\u00f0verja sem voru handteknir \u00e1 \u00cdsafir\u00f0i \u00e1 str\u00ed\u00f0s\u00e1runum kemur \u00c1sta fram og segir fr\u00e1 kynnum s\u00ednum af H\u00e4sler-fj\u00f6lskyldunni.<\/p>\n\n\n\n<p class=\"wp-block-paragraph\">Anna f\u00f3stursystir \u00c1stu vann einnig hj\u00e1 \u00feessum s\u00f6mu hj\u00f3num og br\u00f3\u00f0irinn \u00d3li vann \u00ed bakar\u00edinu. \u00dear var \u00fdmislegt framandi g\u00f3\u00f0g\u00e6ti a\u00f0 f\u00e1, til d\u00e6mis stollen \u2013 \u00fe\u00fdskt j\u00f3labrau\u00f0 me\u00f0 hnetum, \u00feurrku\u00f0um \u00e1v\u00f6xtum og \u00f6\u00f0ru g\u00f3ms\u00e6tu. Minningin um \u00fe\u00fdska stollen-brau\u00f0i\u00f0 fylgdi \u00c1stu svo alla t\u00ed\u00f0, enda f\u00e9kk h\u00fan i\u00f0ulega sendingar fr\u00e1 vinum e\u00f0a a\u00f0standendum \u00ed a\u00f0draganda j\u00f3la. &nbsp;<\/p>\n\n\n\n<p class=\"wp-block-paragraph\">\u00c1sta fluttist ung kona su\u00f0ur til Reykjav\u00edkur eftir a\u00f0 hafa fengi\u00f0 brj\u00f3sthimnub\u00f3lgu og dvali\u00f0 \u00e1 sp\u00edtala \u00e1 \u00cdsafir\u00f0i \u00ed r\u00famt \u00e1r. Sy\u00f0ra vann h\u00fan fyrst \u00e1 v\u00f6ggustofu barnaheimilisins Su\u00f0urborg og s\u00ed\u00f0ar h\u00f3f h\u00fan verslunarst\u00f6rf hj\u00e1 Verslun O. Ellingsen \u00ed Hafnarstr\u00e6ti. Starfi\u00f0 marka\u00f0i upphafi\u00f0 a\u00f0 verslunarst\u00f6rfum sem h\u00fan sinnti \u00fat starfs\u00e6vina. &nbsp;H\u00fan starfa\u00f0i hj\u00e1 KRON \u2013 Kaupf\u00e9lagi Reykjav\u00edkur og n\u00e1grennis \u2013 v\u00edtt um Reykjav\u00edk og \u00ed K\u00f3pavogi. H\u00fan vann hj\u00e1 Sigur\u00f0i Magn\u00fassyni \u00ed Austurveri og \u00ed Kj\u00f6tb\u00fa\u00f0 T\u00f3masar vi\u00f0 Laugaveg 2 \u2013 hvar \u00feorrabakkinn er talinn eiga uppruna sinn. Einnig vann \u00c1sta hj\u00e1 Gu\u00f0na \u00deorgeirssyni \u00ed Fossvogsb\u00fa\u00f0inni og s\u00ed\u00f0ar \u00ed K\u00e1rsneskj\u00f6ri. \u00de\u00e1 var h\u00fan sj\u00e1lf lengi kaupma\u00f0ur \u00ed K\u00f3pavogi og rak verslunina K\u00f3pavogur. &nbsp;S\u00ed\u00f0ustu \u00e1rin \u00e1 vinnumarka\u00f0i starfa\u00f0i h\u00fan \u00ed Kvenfatab\u00fa\u00f0inni, Laugavegi 2.<\/p>\n\n\n\n<p class=\"wp-block-paragraph\">\u00cd einkal\u00edfi var \u00c1sta l\u00e1ns\u00f6m. H\u00fan gekk a\u00f0 eiga Gunnar \u00de. \u00deorsteinsson, j\u00e1rn- og rennism\u00ed\u00f0ameistara fr\u00e1 Litluhl\u00ed\u00f0 \u00e1 Bar\u00f0astr\u00f6nd, \u00feann 25. mars 1947 en hann l\u00e9st 61 \u00e1ri s\u00ed\u00f0ar \u2013 \u00feann 11. okt\u00f3ber 2008.<\/p>\n\n\n\n<p class=\"wp-block-paragraph\">Saman eignu\u00f0ust \u00feau \u00ferj\u00fa b\u00f6rn \u2013<\/p>\n\n\n\n<p class=\"wp-block-paragraph\">J\u00fal\u00ed\u00f6nu Sign\u00fdju \u00e1ri\u00f0 1947,<\/p>\n\n\n\n<p class=\"wp-block-paragraph\">\u00d3\u00f0in Gunnstein \u00e1ri s\u00ed\u00f0ar og<\/p>\n\n\n\n<p class=\"wp-block-paragraph\">\u00d6nnu Margr\u00e9ti \u00e1ri\u00f0 1950.<\/p>\n\n\n\n<p class=\"wp-block-paragraph\">Fyrir \u00e1tti Gunnar \u2013 me\u00f0 \u00d6nnu Einarsd\u00f3ttur- d\u00f3tturina Sigr\u00fanu Bj\u00f6rk, f\u00e6dda 1944.<\/p>\n\n\n\n<p class=\"wp-block-paragraph\">H\u00fan er l\u00e1tin en Sign\u00fd, \u00d3\u00f0inn og Anna Margr\u00e9t lifa m\u00f3\u00f0ur s\u00edna.<\/p>\n\n\n\n<p class=\"wp-block-paragraph\">Form\u00e1linn a\u00f0 minningargreinum er birtur h\u00e9r a\u00f0 ne\u00f0an.<\/p>\n\n\n\n<p class=\"wp-block-paragraph\">\u00c1sta og Gunnar t\u00f3ku b\u00e6\u00f0i virkan \u00fe\u00e1tt \u00ed st\u00f6rfum Lionshreyfingarinnar \u2013 hann \u00ed Lionskl\u00fabbnum Muninn en h\u00fan sem stofnf\u00e9lagi \u00ed Lionskl\u00fabbnum \u00ddr \u00ed K\u00f3pavogi. \u00c1sta var \u00fear f\u00e9lagi allt til dau\u00f0adags og elsti f\u00e9laginn um \u00e1rabil, enda var h\u00fan jafng\u00f6mul hreyfingunni \u2013 f\u00e6dd \u00e1 t\u00edmum fyrri heimstyrjaldarinnar.<\/p>\n\n\n\n<p class=\"wp-block-paragraph\">H\u00fan var hei\u00f0ru\u00f0 af Lions sem elsti f\u00e9lagi hreyfingarinnar.<\/p>\n\n\n\n<p class=\"wp-block-paragraph\">\u00c1sta Sigurr\u00f3s l\u00e9st \u00e1 hj\u00fakrunarheimilinu Sunnuhl\u00ed\u00f0 \u00feann 18. j\u00fal\u00ed s.l., s\u00f6dd l\u00edfdaga, t\u00e6plega 105 \u00e1ra g\u00f6mul og elsti \u00cdslendingurinn um nokkurra vikna skei\u00f0. H\u00fan \u00e1tti fri\u00f0s\u00e6lt andl\u00e1t og dr\u00f3 andann \u00ed s\u00ed\u00f0asta sinn \u00ed sama herbergi og Gunnar heitinn \u2013 ma\u00f0ur hennar &#8211; fyrir t\u00e6pum 14 \u00e1rum. \u00dea\u00f0 er t\u00e1knr\u00e6nt fyrir samst\u00f6\u00f0u \u00feeirra og einingu.<\/p>\n\n\n\n<p class=\"wp-block-paragraph\">S\u00ed\u00f0ustu \u00e1rin bj\u00f3 h\u00fan \u00e1 Sunnuhl\u00ed\u00f0 en haf\u00f0i gaman af \u00fev\u00ed a\u00f0 heims\u00e6kja h\u00fasi\u00f0 sitt \u00e1 K\u00e1rsnesbrautinni vi\u00f0 s\u00e9rst\u00f6k tilefni. H\u00fasi\u00f0 var sannkalla\u00f0 fj\u00f6lskylduh\u00fas \u00fear sem afkomendur \u00c1stu og Gunnars hafa komi\u00f0 saman og noti\u00f0 samverustunda. \u00c1sta skilur eftir sig fallega s\u00f6gu, g\u00f3\u00f0ar minningar og st\u00f3ran \u00e6ttboga \u2013 \u00fear sem fj\u00f6lskyldan telur um 80 manns . . .<\/p>\n\n\n\n<p class=\"wp-block-paragraph\">\u00d3tr\u00falegt l\u00edf og afrek a\u00f0 lifa svo lengi og eiga afkomendur sem telja n\u00e6stum \u00e1rin sem h\u00fan lif\u00f0i. \u00dea\u00f0 er ekki l\u00edtill fj\u00e1rsj\u00f3\u00f0ur.<\/p>\n\n\n\n<p class=\"wp-block-paragraph\">Enginn sem l\u00edtur lj\u00f3si\u00f0 fyrsta sinn \u00e1 \u00e6vinni veit hva\u00f0 b\u00ed\u00f0ur. Hv\u00edtvo\u00f0ungurinn veit f\u00e1tt en s\u00e9r margt og upplifir en svo kemur \u00feroskinn sm\u00e1tt og sm\u00e1tt og \u00e6vid\u00f6gunum fj\u00f6lgar. F\u00f3stri\u00f0 veit ekki hva\u00f0 b\u00ed\u00f0ur og sama \u00e1 vi\u00f0 um \u00feau sem eru vi\u00f0 dau\u00f0ans dyr, \u00feau vita ekki hva\u00f0 tekur vi\u00f0. En tr\u00fain veit Hver tekur vi\u00f0. \u00dea\u00f0 er Hann sem \u00c1sta skrifa\u00f0i um \u00ed ni\u00f0urlagi br\u00e9fs til barnabarns sem dvaldi \u00ed \u00fatl\u00f6ndum. \u00dear segir:<\/p>\n\n\n\n<p class=\"wp-block-paragraph\">\u00c9g er h\u00e9rna vi\u00f0 stofugluggann, l\u00edt \u00fat, \u00fea\u00f0 er svo fri\u00f0s\u00e6lt og fallegt, h\u00fasi\u00f0 er sn\u00e6vi\u00feaki\u00f0, Perlan \u00e1 \u00d6skjuhl\u00ed\u00f0inni uppl\u00fdst, a\u00f0ventulj\u00f3s komin \u00ed glugga, \u00feetta segir manni a\u00f0 blessu\u00f0 j\u00f3lin s\u00e9u \u00ed n\u00e1nd.<\/p>\n\n\n\n<p class=\"wp-block-paragraph\">\u00cd kv\u00f6ld voru litlu j\u00f3lin \u00ed Lions-kl\u00fabbnum okkar, vi\u00f0 sungum j\u00f3la s\u00e1lmana og a\u00f0ra s\u00f6ngva og \u00e9g las \u00feeim j\u00f3lagu\u00f0spjalli\u00f0, vi\u00f0 erum alltaf me\u00f0 j\u00f3lapakka, svo gengum vi\u00f0 \u00ed kringum j\u00f3latr\u00e9\u00f0, \u00e9g var komin heim kl. 1\/2 11, f\u00f3r \u00fe\u00e1 a\u00f0 skrifa \u00e1 j\u00f3lakort, n\u00fa er kl. 2 a\u00f0 n\u00f3ttu til. \u00c9g veit a\u00f0 \u00fe\u00fa ert \u00ed svefni, \u00feig er kannski a\u00f0 dreyma heim, \u00e9g hugsa oft til \u00fe\u00edn . . .<\/p>\n\n\n\n<p class=\"wp-block-paragraph\">Vi\u00f0 h\u00f6fum \u00fea\u00f0 gott afi \u00feinn fer upp \u00ed laug \u00e1 morgnana \u00ed heitu pottana og sund, hann bi\u00f0ur a\u00f0 heilsa \u00fe\u00e9r . . .<\/p>\n\n\n\n<p class=\"wp-block-paragraph\">J\u00e6ja, elskan m\u00edn, \u00e9g veit a\u00f0 gu\u00f0ssonur g\u00e6tir \u00fe\u00edn, og blessar \u00feig og \u00feetta g\u00f3\u00f0a f\u00f3lk sem \u00fe\u00fa dvelur hj\u00e1, \u00e9g veit \u00fe\u00fa f\u00e6r\u00f0 heim\u00fer\u00e1 um j\u00f3lin en tala\u00f0u bara vi\u00f0 hann, hann er allsta\u00f0ar n\u00e1l\u00e6gur og fylgist me\u00f0 \u00fe\u00e9r.<\/p>\n\n\n\n<p class=\"wp-block-paragraph\">Gu\u00f0 blessi \u00feig yndislega barn, \u00feess bi\u00f0ur \u00fe\u00edn amma.<\/p>\n\n\n\n<p class=\"wp-block-paragraph\">\u00deetta rita\u00f0i \u00c1sta \u00e1ri\u00f0 1996, \u00fe\u00e1 79 \u00e1ra. Atgervi\u00f0 var miki\u00f0 og ekki skorti \u00e1hugann \u00e1 l\u00edfinu. B\u00f6rnin hennar t\u00f6lu\u00f0u um h\u00f3fsemi hennar, l\u00e9ttleika og g\u00f3\u00f0a lund. H\u00fan var s\u00e1ttasemjar og dvaldi ekki vi\u00f0 lei\u00f0indi \u00ed l\u00edfinu. H\u00fan var Mamma me\u00f0 st\u00f3rum staf. Heimili hennar var \u00e6t\u00ed\u00f0 gestkv\u00e6mt.<\/p>\n\n\n\n<p class=\"wp-block-paragraph\">St\u00f3rfj\u00f6lskylda hennar bj\u00f3 n\u00e6r \u00f6ll utan h\u00f6fu\u00f0borgarinnar og \u00e6ttmenni gistu \u00fev\u00ed gjarnan \u00e1 K\u00e1rsnesbraut \u00fear sem heimilisf\u00f3lk v\u00e9k oft \u00far r\u00fami fyrir gestum. Oft kom f\u00f3lk til hennar utan af landi sem \u00e1tti \u00fdmis erindi \u00ed Borginni.<\/p>\n\n\n\n<p class=\"wp-block-paragraph\">H\u00fan var heima fram yfir 99 \u00e1ra aldur og eitt af s\u00ed\u00f0ustu verkum hennar \u00e1 K\u00e1rsnesbrautinni var a\u00f0 p\u00fassa \u00fatihur\u00f0ina og bera \u00e1 hana tekkol\u00edu. H\u00fan var ekki v\u00f6n a\u00f0 bi\u00f0ja um hj\u00e1lp, var sj\u00e1lfst\u00e6\u00f0 og sterk kona.<\/p>\n\n\n\n<p class=\"wp-block-paragraph\">H\u00fan var brosmild og bj\u00f3 yfir r\u00edku jafna\u00f0arge\u00f0i, var lundg\u00f3\u00f0 og sj\u00e1lst\u00e6\u00f0. H\u00fan dvaldi \u00ed 5 \u00e1r og 2 m\u00e1nu\u00f0i \u00ed Sunnuhl\u00ed\u00f0. \u00deanga\u00f0 f\u00f3r h\u00fan ekki vegna alvarlegra veikinda e\u00f0a heilsubrests heldur var \u00e1st\u00e6\u00f0an a\u00f0 h\u00fan haf\u00f0i ekki drukki\u00f0 n\u00e6gan v\u00f6kva og \u00fev\u00ed var \u00fea\u00f0 of\u00feurrkur sem \u00fej\u00e1\u00f0i hana um nokkurra daga skei\u00f0. Alvarlegra var \u00fe\u00e1 n\u00fa ekki. En \u00fear lei\u00f0 henni vel og naut g\u00f3\u00f0rar umhyggju.<\/p>\n\n\n\n<p class=\"wp-block-paragraph\">\u00deegar h\u00fan var \u00ed verslunarrekstri reyndi h\u00fan \u00e6t\u00ed\u00f0 a\u00f0 gera g\u00f3\u00f0 innkaup og l\u00e9t k\u00fannan nj\u00f3ta \u00feeirra. H\u00fan haf\u00f0i nef fyrir kaupmennsku og p\u00e6ld\u00ed \u00e6t\u00ed\u00f0 miki\u00f0 \u00ed \u00fev\u00ed a\u00f0 f\u00e1 afsl\u00e1tt e\u00f0a rabbat eins og hennar kynsl\u00f3\u00f0 sag\u00f0i \u00e1 d\u00f6nskuskotinni \u00edslensku. Str\u00e1karnir \u00ed heilds\u00f6lum borgarinnar \u00feekktu \u00feessa hressu konu \u00feegar h\u00fan hringdi og k\u00f6llu\u00f0u hana Mar\u00edu Stewart.<\/p>\n\n\n\n<p class=\"wp-block-paragraph\">\u00c6t\u00ed\u00f0 heilsa\u00f0i h\u00fan \u00e1stvinum me\u00f0 handtaki og bl\u00ed\u00f0u brosi. H\u00fan tala\u00f0i reyndar stundum um a\u00f0 flytja aftur heim, svo mikill var hugurinn og tr\u00fain \u00e1 eigin getu, en h\u00fan var\u00f0 \u00fe\u00f3 a\u00f0 s\u00e6tta sig vi\u00f0 a\u00f0 kraftarnir f\u00f3ru \u00feverrandi \u00feegar h\u00fan var komin yfir heila \u00f6ld \u00ed aldri.<\/p>\n\n\n\n<p class=\"wp-block-paragraph\">H\u00fan var \u00e6t\u00ed\u00f0 andlega \u00feenkjandi og j\u00f3s \u00far \u00f3l\u00edkum viskubrunnum \u00e1 l\u00edfslei\u00f0inni en \u00ed \u00feeim efnum er eigi allt gull sem gl\u00f3ir eins og \u00feekkt er \u00ed samt\u00edmanum sem eltir svo margt sem hefur r\u00fdrt innihald.<\/p>\n\n\n\n<p class=\"wp-block-paragraph\">Fyrir h\u00e1lfu \u00e1ri var h\u00e6gt a\u00f0 tala vi\u00f0 hana um hva\u00f0 sem var og h\u00fan h\u00e9lt g\u00f3\u00f0u minni vel fram \u00e1 a\u00f0ra \u00f6ld eigin \u00e6vi.<\/p>\n\n\n\n<p class=\"wp-block-paragraph\">Barnab\u00f6rnin s\u00f3ttu til \u00f6mmu og afa \u00ed gegnum t\u00ed\u00f0ina. \u00deanga\u00f0 var gott a\u00f0 koma og kynnast klass\u00edskum gildum og k\u00e6rleika sem m\u00f3ta\u00f0ur var af langri \u00e6vi og har\u00f0ri l\u00edfsbar\u00e1ttu. Sl\u00edkur k\u00e6rleikur er eins og sl\u00edpa\u00f0ur demantur.<\/p>\n\n\n\n<p class=\"wp-block-paragraph\">Hver man \u00feig og mig \u00feegar vi\u00f0 ver\u00f0um \u00f6ll horfin af \u00feessu jar\u00f0l\u00edfi og allir sem \u00feekkja okkur n\u00fa e\u00f0a s\u00ed\u00f0ar ver\u00f0a einnig horfnir? Hver man okkur \u00feegar enginn \u00e1 j\u00f6r\u00f0u man okkur lengur?<\/p>\n\n\n\n<p class=\"wp-block-paragraph\">Kristin tr\u00fa \u00e1 svar vi\u00f0 \u00fev\u00ed. S\u00e1 sem allt hefur skapa\u00f0 og allt elskar, allar manneskjur, hverrar tr\u00faar sem \u00fe\u00e6r eru, okkur \u00f6ll og \u00f6ll \u00f6nnur, hann gleymir okkur aldrei, hann gleymir aldrei \u00feeirri konu sem vi\u00f0 kve\u00f0jum h\u00e9r \u00ed dag, hann gleymir aldrei \u00fe\u00e9r.<\/p>\n\n\n\n<p class=\"wp-block-paragraph\">\u00deess vegna getum vi\u00f0 gla\u00f0st yfir l\u00edfinu, yfir \u00fev\u00ed a\u00f0 \u00c1sta lif\u00f0i og var\u00f0i kr\u00f6ftum s\u00ednum til heilla s\u00ednu f\u00f3lki og \u00f6llu sem l\u00edfsandann dregur.<\/p>\n\n\n\n<p class=\"wp-block-paragraph\">Vi\u00f0 h\u00f6ldum h\u00e1t\u00ed\u00f0 og minnumst hennar me\u00f0 \u00fe\u00f6kk.<\/p>\n\n\n\n<p class=\"wp-block-paragraph\">Gu\u00f0 blessi minningu \u00c1stu Sigurr\u00f3sar Sigmundsd\u00f3ttur og Gu\u00f0 blessi \u00feig, sem enn ert \u00e1 l\u00edfsveginum.<\/p>\n\n\n\n<p class=\"wp-block-paragraph\">Amen.<\/p>\n\n\n\n<p class=\"wp-block-paragraph\">&#8211; &#8211; &#8211;<\/p>\n\n\n\n<p class=\"wp-block-paragraph\">Kve\u00f0jur:<\/p>\n\n\n\n<p class=\"wp-block-paragraph\">M\u00e9r b\u00e1rust 3 kve\u00f0jur \u00ed t\u00f6lvup\u00f3sti og n\u00fa ver\u00f0 \u00e9g a\u00f0 j\u00e1ta syndir m\u00ednar, \u00fev\u00ed 2 \u00feeirra t\u00fdndust \u00ed t\u00f6lvunni minni og m\u00e9r t\u00f3kst ekki a\u00f0 finna \u00fe\u00e6r aftur \u00fer\u00e1tt fyrir mikla fyrirh\u00f6fn og mundi ekki n\u00f6fnin. Ef \u00feau sem \u00e1ttu \u00feessar kve\u00f0jur hlusta \u00e1 uppt\u00f6ku m\u00edna \u00ed kv\u00f6ld e\u00f0a s\u00ed\u00f0ar, \u00fe\u00e1 bi\u00f0 \u00e9g \u00feau hin s\u00f6mu a\u00f0 senda m\u00e9r kve\u00f0jurnar aftur \u00ed t\u00f6lvup\u00f3sti og \u00e9g mun b\u00e6ta \u00feeim h\u00e9r ne\u00f0anm\u00e1ls \u00ed textann svo \u00feeim s\u00e9 til haga haldi\u00f0.<\/p>\n\n\n\n<p class=\"wp-block-paragraph\">\u00de\u00e1 kemur 3ja kve\u00f0jan:<\/p>\n\n\n\n<p class=\"wp-block-paragraph\">K\u00e6r kve\u00f0ja barst fr\u00e1 Steinunni P\u00e1lsd\u00f3ttur, sem er erlendis, en h\u00fan segir \u00c1stu hafa veri\u00f0 g\u00f3\u00f0a vinkonu fj\u00f6lskyldu sinnar.<\/p>\n\n\n\n<p class=\"wp-block-paragraph\">Og svo en fr\u00e1 Berl\u00edn \u00ed \u00de\u00fdskalandi: Margret Hillar, Gerd og Dani: My thoughts are with you all today.<\/p>\n\n\n\n<p class=\"wp-block-paragraph\"><strong>H\u00e9r er form\u00e1linn sem birtist \u00ed Morgunbla\u00f0inu \u00e1 undan minningargreinum.<\/strong><\/p>\n\n\n\n<p class=\"wp-block-paragraph\">\u00c1sta Sigurr\u00f3s Sigmundsd\u00f3ttir f\u00e6ddist \u00e1 \u00cdsafir\u00f0i 22. \u00e1g\u00fast 1917. &nbsp;H\u00fan l\u00e9st \u00e1 Hj\u00fakrunarheimilinu Sunnuhl\u00ed\u00f0 m\u00e1nudaginn 18. j\u00fal\u00ed. &nbsp;H\u00fan var d\u00f3ttir hj\u00f3nanna J\u00fal\u00ed\u00f6nu \u00d3lad\u00f3ttur h\u00fasm\u00f3\u00f0ur og verkakonu, f. 1879, d. 1951 og Sigmundar Brandssonar j\u00e1rnsmi\u00f0s, f. 1870, d. 1919. &nbsp;Systkini \u00c1stu voru: Anna Krist\u00edn Bj\u00f6rnsd\u00f3ttir, f. 1908, d. 1993, \u00deorbj\u00f6rg, f. 1913, d. 1913, \u00d3li J\u00f3hannes f. 1916, d. 2000 og Dan\u00edel G.E., f. 1916, d. 2002.<\/p>\n\n\n\n<p class=\"wp-block-paragraph\">\u00c1sta giftist 25. mars 1947 Gunnari \u00deorsteini \u00deorsteinssyni fr\u00e1 Litluhl\u00ed\u00f0 \u00e1 Bar\u00f0astr\u00f6nd. &nbsp;Foreldrar Gunnars voru hj\u00f3nin Gu\u00f0r\u00fan Finnbogad\u00f3ttir lj\u00f3sm\u00f3\u00f0ir, f. 1893, d. 1978 og \u00deorsteinn \u00d3lafsson b\u00f3ndi \u00ed Litluhl\u00ed\u00f0, f. 1890, d. 1989. &nbsp;Gunnar var \u00feri\u00f0ji elstur af ellefu b\u00f6rnum \u00feeirra hj\u00f3na sem upp komust.<\/p>\n\n\n\n<p class=\"wp-block-paragraph\">B\u00f6rn \u00c1stu og Gunnars eru: &nbsp;1) J\u00fal\u00edana Sign\u00fd, f. 1947, ma\u00f0ur hennar er \u00d6rn J\u00f3nsson, b\u00f6rn \u00feeirra eru Margr\u00e9t, J\u00f3n Ragnar og Gunnar \u00d6rn. &nbsp;2) \u00d3\u00f0inn Gunnsteinn f. 1948, kv\u00e6ntist \u00c1slaugu Kristj\u00e1nsd\u00f3ttur, d\u00f3ttir \u00feeirra er Hera Krist\u00edn. &nbsp;\u00deau skildu. &nbsp;Kona \u00d3\u00f0ins er Au\u00f0ur Hallgr\u00edmsd\u00f3ttir, \u00feau eiga b\u00f6rnin Dan\u00edel \u00d3la, Hallger\u00f0i K\u00f6tu og Dav\u00ed\u00f0 \u00de\u00f3r. &nbsp;3) Anna Margr\u00e9t, f. 1950, ma\u00f0ur hennar er Gu\u00f0mundur J\u00f3elsson og eiga \u00feau d\u00e6turnar Gunnhildi \u00c1stu, Erlu D\u00f6gg og Ald\u00edsi. &nbsp;Fyrir \u00e1tti Gunnar d\u00f3tturina Sigr\u00fanu Bj\u00f6rk f. 1944, d. 2019 me\u00f0 \u00d6nnu Einarsd\u00f3ttur f. 1927, d. 2003. &nbsp;Sonur Sigr\u00fanar og Eir\u00edks Hjartarsonar er Hj\u00f6rtur. &nbsp;Sigr\u00fan Bj\u00f6rk giftist \u00deorsteini P\u00e1lssyni f. 1943, d. 1975. &nbsp;B\u00f6rn \u00feeirra eru Anna Silfa og Gunnar Reynir. &nbsp;Ma\u00f0ur Sigr\u00fanar er \u00c1sgeir Indri\u00f0ason og d\u00f3ttir \u00feeirra er Svava Bj\u00f6rk. &nbsp;Afkomendur \u00c1stu og Gunnars eru 54 en alls telur fj\u00f6lskyldan um 80 manns.<\/p>\n\n\n\n<p class=\"wp-block-paragraph\">\u00c1sta \u00f3lst upp \u00e1 \u00cdsafir\u00f0i hj\u00e1 einst\u00e6\u00f0ri m\u00f3\u00f0ur og systkinum. &nbsp;H\u00fan f\u00f3r kornung \u00ed sveit nor\u00f0ur \u00ed Grunnav\u00edk til prestshj\u00f3nanna \u00fear, s\u00e9ra J\u00f3nmundar Halld\u00f3rssonar og Gu\u00f0r\u00fanar J\u00f3nsd\u00f3ttur. &nbsp;S\u00ed\u00f0ar var h\u00fan einnig \u00ed sveit hj\u00e1 skyldf\u00f3lki \u00ed M\u00fdrartungu \u00ed Reykh\u00f3lasveit. &nbsp;H\u00fan stunda\u00f0i sk\u00ed\u00f0i og g\u00f6ngufer\u00f0ir og t\u00f3k \u00fe\u00e1tt \u00ed unglingastarfi \u00ed b\u00e6num. &nbsp;H\u00fan lauk gagnfr\u00e6\u00f0apr\u00f3fi og f\u00f3r \u00ed H\u00fasm\u00e6\u00f0rask\u00f3lann \u00d3sk \u00e1 \u00cdsafir\u00f0i. &nbsp;H\u00fan fluttist ung til Reykjav\u00edkur og vann fyrst \u00e1 V\u00f6ggustofunni Su\u00f0urborg en h\u00f3f s\u00ed\u00f0an st\u00f6rf hj\u00e1 Ellingsen. &nbsp;\u00dea\u00f0 starf marka\u00f0i upphafi\u00f0 a\u00f0 verslunarst\u00f6rfum sem h\u00fan sinnti \u00fat starfs\u00e6vina. &nbsp;H\u00fan var sj\u00e1lf lengi kaupma\u00f0ur \u00ed K\u00f3pavogi og rak, \u00e1samt manni s\u00ednum, verslunina K\u00f3pavogur um \u00e1rabil. &nbsp;\u00c1sta og Gunnar settust a\u00f0 \u00ed K\u00f3pavogi 1954 og bjuggu \u00fear alla t\u00ed\u00f0. &nbsp;H\u00fan var virkur f\u00e9lagi \u00ed Lionskl\u00fabbnum \u00ddr og lag\u00f0i \u00e1 \u00feeim vettvangi \u00fdmsum framfaram\u00e1lum \u00ed K\u00f3pavogi li\u00f0.<\/p>\n\n\n\n<p class=\"wp-block-paragraph\">\u00datf\u00f6r \u00c1stu ver\u00f0ur ger\u00f0 fr\u00e1 K\u00f3pavogskirkju \u00ed dag og hefst ath\u00f6fnin kl. 13.  <\/p>\n\n\n\n<figure class=\"wp-block-image size-large\"><img decoding=\"async\" src=\"http:\/\/localhost:8081\/wp-content\/uploads\/2022\/08\/screenshot-2022-08-22-at-16.37.10-1.png?w=1024\" class=\"wp-image-3407\" \/><\/figure>\n\n\n\n<figure class=\"wp-block-image size-large\"><img decoding=\"async\" src=\"http:\/\/localhost:8081\/wp-content\/uploads\/2022\/08\/screenshot-2022-08-22-at-16.37.41-1.png?w=1024\" class=\"wp-image-3408\" \/><\/figure>\n","protected":false},"excerpt":{"rendered":"<p>\u00d6rn B\u00e1r\u00f0ur J\u00f3nsson Minningaror\u00f0 \u00c1sta Sigurr\u00f3s Sigmundsd\u00f3ttir fr\u00e1 \u00cdsafir\u00f0i f. 22. \u00e1g\u00fast 1917, d. 18. j\u00fal\u00ed 2022 \u00datf\u00f6r fr\u00e1 K\u00f3pavogskirkju, f\u00e6\u00f0ingardag hennar, fyrir 105 \u00e1rum, m\u00e1nudaginn 22. \u00e1g\u00fast 2022 kl. 13 R\u00e6\u00f0an, b\u00e6\u00f0i texti og hlj\u00f3\u00f0upptaka eru \u00ed n\u00e6stu smellu. Kve\u00f0jur eru ekki \u00e1 uppt\u00f6kunni, en texti \u00feeirra er ne\u00f0anm\u00e1ls. S\u00e1lmaskr\u00e1in er einnig ne\u00f0an\u00e1ls.<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"_jetpack_newsletter_access":"","_jetpack_dont_email_post_to_subs":false,"_jetpack_newsletter_tier_id":0,"_jetpack_memberships_contains_paywalled_content":false,"_jetpack_hide_featured_image":false,"_jetpack_featured_image_duplicate_dismissed":0,"_jetpack_feature_clip_id":0,"_jetpack_memberships_contains_paid_content":false,"footnotes":"","jetpack_post_was_ever_published":false},"categories":[7],"tags":[243,48,333,584,640],"class_list":["post-3409","post","type-post","status-publish","format-standard","hentry","category-minningarord-eulogies","tag-gud","tag-isafjordur","tag-jesus","tag-sorg","tag-tru"],"jetpack_sharing_enabled":true,"jetpack_featured_media_url":"","_links":{"self":[{"href":"https:\/\/ornbardur.com\/index.php?rest_route=\/wp\/v2\/posts\/3409","targetHints":{"allow":["GET"]}}],"collection":[{"href":"https:\/\/ornbardur.com\/index.php?rest_route=\/wp\/v2\/posts"}],"about":[{"href":"https:\/\/ornbardur.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/ornbardur.com\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/ornbardur.com\/index.php?rest_route=%2Fwp%2Fv2%2Fcomments&post=3409"}],"version-history":[{"count":0,"href":"https:\/\/ornbardur.com\/index.php?rest_route=\/wp\/v2\/posts\/3409\/revisions"}],"wp:attachment":[{"href":"https:\/\/ornbardur.com\/index.php?rest_route=%2Fwp%2Fv2%2Fmedia&parent=3409"}],"wp:term":[{"taxonomy":"category","embeddable":true,"href":"https:\/\/ornbardur.com\/index.php?rest_route=%2Fwp%2Fv2%2Fcategories&post=3409"},{"taxonomy":"post_tag","embeddable":true,"href":"https:\/\/ornbardur.com\/index.php?rest_route=%2Fwp%2Fv2%2Ftags&post=3409"}],"curies":[{"name":"wp","href":"https:\/\/api.w.org\/{rel}","templated":true}]}}