{"id":1579,"date":"2015-05-26T17:49:40","date_gmt":"2015-05-26T17:49:40","guid":{"rendered":"http:\/\/ornbardur.com\/?p=1579"},"modified":"2015-05-26T17:49:40","modified_gmt":"2015-05-26T17:49:40","slug":"indridi-palsson-1927-2015","status":"publish","type":"post","link":"https:\/\/ornbardur.com\/?p=1579","title":{"rendered":"+Indri\u00f0i P\u00e1lsson 1927-2015"},"content":{"rendered":"

\"Indri\u00f0i<\/a><\/span>\u00d6rn B\u00e1r\u00f0ur J\u00f3nsson<\/span><\/p>\n

Minningaror\u00f0<\/span><\/p>\n

Indri\u00f0i P\u00e1lsson<\/b><\/span><\/p>\n

1927-2015<\/span><\/p>\n

fv. forstj\u00f3ri Skeljungs og fv. st\u00f3rmeistari Fr\u00edm\u00fararareglunnar.<\/span><\/p>\n

\u00datf\u00f6r fr\u00e1 Neskirkju \u00feri\u00f0judaginn 26. ma\u00ed 2015 kl. 13<\/p>\n

R\u00e6\u00f0una er h\u00e6gt a\u00f0 lesa og einnig hl\u00fd\u00f0a \u00e1 hlj\u00f3\u00f0uppt\u00f6ku h\u00e9r fyrir ne\u00f0an.<\/p>\n

S\u00e1lmaskr\u00e1in er einnig birt ne\u00f0anm\u00e1ls.<\/p>\n

<\/p>\nhttps:\/\/pub-c849b6aaf98340c4bec7b480b0f7ffe9.r2.dev\/2015\/05\/indric3b0i-pc3a1lsson-minning.m4a<\/a><\/audio>\n

Efni og andi. <\/span><\/p>\n

Vi\u00f0 lifum \u00ed ver\u00f6ld sem i\u00f0ar af l\u00edfi, ver\u00f6ld sem var\u00f0 til af andlegum ors\u00f6kum. Sk\u00f6punarsaga Bibl\u00edunnar er merkilegt lj\u00f3\u00f0, lofs\u00f6ngur um a\u00f0 a\u00f0 baki \u00f6llu s\u00e9 hugur, h\u00f6fu\u00f0smi\u00f0ur, himnasmi\u00f0ur eins og sk\u00e1ldi\u00f0 Kolbeinn Tumason kallar hann \u00ed elsta s\u00e1lmi sem til er \u00e1 norr\u00e6nni tugu, ortur 1208. Sk\u00e1ldi\u00f0 sem f\u00e6r\u00f0i sk\u00f6punars\u00f6guna \u00ed letur s\u00e1 fyrir s\u00e9r a\u00f0 allt hafi byrja\u00f0 me\u00f0 lj\u00f3sinu. Gu\u00f0 sag\u00f0i: \u00ab\u201eVer\u00f0i lj\u00f3s.\u201c <\/span>Og \u00fea\u00f0 var\u00f0 lj\u00f3s.\u00bb \u00d6ldum og \u00e1r\u00fe\u00fasundum s\u00ed\u00f0ar eru margir v\u00edsindamenn \u00e1 sama m\u00e1li og telja jafnvel a\u00f0 a\u00f0 baki tilverunni s\u00e9 h\u00f6nnu\u00f0ur, hugur, himnasmi\u00f0ur. En sk\u00e1ldi\u00f0 s\u00e1 \u00feetta \u00e1n \u00feessa a\u00f0 \u00feekkja til geimfer\u00f0a e\u00f0a v\u00edsinda. Hugur \u00feess, sem horfir og s\u00e9r \u00ed hjarta s\u00ednu \u00fat fyrir rammann, getur skynja\u00f0 hi\u00f0 st\u00f3ra samhengi. \u00dea\u00f0 undur gerist e.t.v. ekki \u00ed mannsheilanum, sem \u00fe\u00f3 er sag\u00f0ur fl\u00f3knasta og flottasta fyrirbrig\u00f0i veraldar, heldur \u00ed hjartanu, \u00ed \u00abbrj\u00f3stkirkjunni\u00bb eins og helgid\u00f3mur hjartans er nefndur \u00ed \u00edslenskri pr\u00e9dikun sem birtist \u00ed Homil\u00edub\u00f3kinni fr\u00e1 \u00fev\u00ed um 1200 og er safn af fornum st\u00f3lr\u00e6\u00f0um og elsta b\u00f3k \u00edslensk sem var\u00f0veist hefur. H\u00fan var t\u00fdnd \u00ed fimm aldir en fannst \u00ed Stokkh\u00f3lmi. Margir h\u00f6fundar hafa tj\u00e1\u00f0 sig um tungum\u00e1li\u00f0 \u00ed H\u00f3mil\u00edub\u00f3k og \u00fe\u00f3tt miki\u00f0 til \u00feess koma. Sigurbj\u00f6rn Einarsson, biskup, sag\u00f0i \u00ed form\u00e1la \u00feegar h\u00fan kom \u00fat 1993:<\/p>\n

\n

\u00abFr\u00e1 b\u00f3kinni m\u00e1 kenna ilminn fr\u00e1 gr\u00f3anda \u00edslenskrar frumkristni. Og um lei\u00f0 er sem ma\u00f0ur f\u00e1i a\u00f0 skyggnast inn \u00ed smi\u00f0juna hj\u00e1 \u00feeim m\u00f6nnum, sem fengu \u00fej\u00f3\u00f0inni tygin til st\u00f3rra afreka \u00ed b\u00f3kmenntum.\u00bb<\/span><\/p>\n<\/blockquote>\n

J\u00f3n Helgason pr\u00f3fessor komst \u00feannig a\u00f0 or\u00f0i \u00ed Handritaspjalli um H\u00f3mil\u00edub\u00f3k.<\/span><\/p>\n

\n

\u00ab\u00d3v\u00ed\u00f0a fl\u00f3a lindir \u00edslenzk m\u00e1ls t\u00e6rari en \u00ed \u00feessari g\u00f6mlu b\u00f3k, og er s\u00e1 \u00edslenzkur rith\u00f6fundur sem ekki hefur \u00feaullesi\u00f0 hana, litlu betur undir starf sitt b\u00fain en s\u00e1 prestur sem enn \u00e1 \u00f3lesna fjallr\u00e6\u00f0una.\u00bb<\/span><\/p>\n<\/blockquote>\n

N\u00fa \u00ed hv\u00edtasunnuvikunni erum vi\u00f0 minnt \u00e1 verk andans \u00ed sk\u00f6punarverkinu. Kirkjan var\u00f0 til \u00e1 hv\u00edtasunnudag \u00e1 fyrstu \u00f6ld eins og Kristur haf\u00f0i lofa\u00f0. \u00de\u00e1 f\u00e9kk f\u00f3lk me\u00f0 skerta von n\u00fdjan kraft til a\u00f0 lifa daginn og horfa fram \u00e1 veginn \u00ed tr\u00fa og von. Kirkjan var\u00f0 til. H\u00fan er merkileg fj\u00f6ldahreyfing sem hefur haft gr\u00ed\u00f0arleg \u00e1hrif \u00e1 heiminn. Heimspekipr\u00f3fessor og fv. h\u00e1sk\u00f3larektor, P\u00e1ll Sk\u00falason, sem l\u00e9st n\u00fdlega, minntist l\u00e6rif\u00f6\u00f0ur m\u00edns, \u00de\u00f3ris Kr. \u00de\u00f3r\u00f0arsonar, fyrir 20 \u00e1rum, og sag\u00f0i me\u00f0al annarra or\u00f0a um hann:<\/span><\/p>\n

\n

\u00ab\u00de\u00f3rir er sannur mi\u00f0ill tveggja h\u00f6f\u00f0ustrauma \u00ed hugsanaflj\u00f3ti vestr\u00e6nnar menningar….Andlegu straumarnir tveir eiga s\u00e9r alkunnar uppsprettur, a\u00f0ra hebreska, hina gr\u00edska. Annars vegar er hinn gy\u00f0inglegi-kristni straumur, hins vegar hinn gr\u00edski-f\u00edl\u00f3s\u00f3f\u00edski straumur. Af samruna \u00feeirra sprettur evr\u00f3psk menning sem n\u00fa teygir anga s\u00edna um v\u00ed\u00f0a ver\u00f6ld, ekki s\u00edst \u00ed nafni al\u00fej\u00f3\u00f0legra v\u00edsinda og kristinnar tr\u00faar.\u00bb<\/span><\/p>\n<\/blockquote>\n

H\u00e9r er m\u00e6lt af viti og visku og \u00e1 allt \u00f6\u00f0rum n\u00f3tum en \u00ed m\u00f6rgum \u00feeim \u00feunnildum sem v\u00ed\u00f0a heyrast \u00ed dag um kirkju og kristni \u00ed \u00e1lfunni og ekki s\u00edst h\u00e9r \u00e1 landi. \u00deunnildi. <\/span><\/p>\n

Indri\u00f0i P\u00e1lsson bar skyn \u00e1 \u00feetta \u00abhugsanaflj\u00f3t\u00bb. Hann haf\u00f0i bergt af \u00fev\u00ed hj\u00e1 m\u00f3\u00f0ur sinni og f\u00f6\u00f0ur, \u00f6mmu og afa. Indri\u00f0i var lauga\u00f0ur \u00ed \u00feessu flj\u00f3ti, \u00ed \u00ablaug endurf\u00e6\u00f0ingarinnar\u00bb eins og postulinn nefnir sk\u00edrnina.<\/span><\/p>\n

Fa\u00f0ir Indri\u00f0a var tr\u00faa\u00f0ur og vel hagm\u00e6ltur. Hann rita\u00f0i systur sinni \u00ed desember 1963:<\/span><\/p>\n

\n

\u00ab\u00dea\u00f0 fer svona stundum \u00e1 annan veg en hugurinn horfir. \u00dea\u00f0 er eins og \u00e6\u00f0ri \u00f6fl stj\u00f3rni og lei\u00f0i mann \u00feann veg sem fara skal \u00fe\u00f3 stundum s\u00e9 lykkja \u00e1 lei\u00f0inni. En aldrei m\u00e1 kjarkinn bresta, \u00fea\u00f0 er uppgj\u00f6f, og \u00fe\u00e1 tekur straumurinn fleyi\u00f0 sem \u00fe\u00e1 fl\u00fdtur a\u00f0 feig\u00f0ar\u00f3si. J\u00e1, altaf skal \u00e1fram halda, me\u00f0 k\u00e6rleik \u00ed hug og hjarta, k\u00e6rleikurinn er okkar \u00e6\u00f0sta afl. Hann er gu\u00f0sandinn \u00ed manninum.  Hann gefur l\u00edfinu gildi og lei\u00f0ir okkur \u00e1 l\u00edfs vegi, lei\u00f0ina a\u00f0 hinsta degi. \u00deegar \u00e9g n\u00fa l\u00edt til baka, m\u00e1 \u00e9g vera gla\u00f0ur \u00fe\u00f3 vegurinn yr\u00f0i annar en \u00e9g \u00f3ska\u00f0i \u00ed upphafi og ekki hafi brautin altaf veri\u00f0 sl\u00e9tt og bein jafnvel sundur skorin, en yfir hef \u00e9g komist me\u00f0 \u00e6\u00f0ri hj\u00e1lp og samfylgd . . .\u00bb<\/span><\/p>\n<\/blockquote>\n

Indri\u00f0i var m\u00f3ta\u00f0ur af hinni kristnu l\u00edfss\u00fdn og f\u00e9lagsstarfi\u00f0 sem hann helga\u00f0i krafta s\u00edna \u00ed \u00e1ratugi, Fr\u00edm\u00fararastarfi\u00f0, efldi \u00ed honum \u00fe\u00e1 s\u00fdn og l\u00e9t klukkurnar \u00f3ma \u00ed brj\u00f3stkirkju hans. \u00cd tr\u00fanni hlaut hann afl og styrk til a\u00f0 lifa og takast \u00e1 vi\u00f0 m\u00f3tl\u00e6ti. St\u00e6rst var h\u00f6ggi\u00f0 er hann missti m\u00f3\u00f0ur s\u00edna, \u00fe\u00e1 \u00e1 8. \u00e1ri. Sl\u00edkum missi m\u00e1 l\u00edkja vi\u00f0 tilvistarlegar hamfarir. \u00c9g get ekki hugsa\u00f0 m\u00e9r neitt verran en \u00fea\u00f0 a\u00f0 barn missi foreldri e\u00f0a foreldrar barn. \u00dea\u00f0 er svo \u00f3r\u00e9ttl\u00e1tt. Ein af erfi\u00f0ustu spurningum innan hinna svonefndu abraham\u00edsku tr\u00faarbrag\u00f0a, gu\u00f0ingd\u00f3ms, kristni og islam, er spurningin um b\u00f6l og \u00fej\u00e1ningu \u00ed heimi sem skapa\u00f0ur er af alm\u00e1ttugum, k\u00e6rleiksr\u00edkum Gu\u00f0i. Hvers vegna \u00fej\u00e1ist gott f\u00f3lk og saklaus b\u00f6rn? Gu\u00f0fr\u00e6\u00f0i krossins, f\u00f6studagsins langa og p\u00e1ska, veitir sv\u00f6r. Sj\u00e1lfur Gu\u00f0s sonur lei\u00f0 og d\u00f3. En hann reis upp \u00e1 n\u00fd! F\u00f6studagur heitir l\u00edka frj\u00e1dagur \u00e1 \u00edslensku, dagur elskunnar. Um hann orti nor\u00f0lenska sk\u00e1ldi\u00f0 Dav\u00ed\u00f0 Stef\u00e1nsson og sag\u00f0i:<\/span><\/p>\n

\n

\u00deann lausnardaginn langa<\/span><\/p>\n

var l\u00edf \u00feitt fullkomna\u00f0.<\/p>\n<\/blockquote>\n

M\u00f3tsagnir tr\u00faarinnar eru margar og \u00e1hugaver\u00f0ar og \u00fe\u00e6r er h\u00e6gt a\u00f0 s\u00e6tta \u00ed brj\u00f3stkirkjunni, \u00ed hjartanu, sem skilur allt sem heilinn ekki r\u00e6\u00f0ur vi\u00f0. B\u00e6nin er lykill a\u00f0 skilningi og inns\u00e6i \u00ed d\u00fdpstu og erfi\u00f0ustu spurningar l\u00edfsins. Skilur heilinn \u00e1st? Skilur heilinn fyrirgefningu? Miskunn? N\u00e1\u00f0? \u00d3endanleika? Eil\u00edf\u00f0? Nei, en hjarta\u00f0 megnar a\u00f0 skilja m\u00f3tsagnir l\u00edfsins.<\/span><\/p>\n

G\u00e1tur l\u00edfsins eru margar og v\u00edst er a\u00f0 \u00ed Fr\u00edm\u00fararareglunni eru margar g\u00e1tur og \u00ferautir sem m\u00e6ta m\u00f6nnum. H\u00fan er miklv\u00e6gur strengur \u00ed \u00abhugsanaflj\u00f3tinu\u00bb. Reglan er m\u00f6rgum mikill leyndard\u00f3mur og einkum \u00feeim sem standa utan hennar. H\u00fan er ekki leynif\u00e9lag \u00fev\u00ed l\u00f6g hennar og tilgangur er \u00f6llum a\u00f0gengilegur \u00e1 b\u00f3k og f\u00e9lagatali\u00f0 einnig. Reglan er mannr\u00e6ktarf\u00e9lag \u00e1 kristnum grundvelli, meitlu\u00f0 og m\u00f3tu\u00f0 af visku aldanna, \u00e1 siglingu manna um \u00abhugsanaflj\u00f3t vestr\u00e6nnar menningar.\u00bb Leyndin \u00ed Reglunni er til \u00feess a\u00f0 ey\u00f0leggja ekki upplifun br\u00e6\u00f0ra. Leyndinni m\u00e1 l\u00edkja vi\u00f0 \u00fea\u00f0 a\u00f0 \u00e9g segi ekki vini m\u00ednum n\u00e1kv\u00e6mlega fr\u00e1 st\u00f3rkostlegu b\u00ed\u00f3myndinni sem \u00e9g s\u00e1 e\u00f0a b\u00f3kinni sem \u00e9g las, \u00fev\u00ed \u00fe\u00e1 fer hann \u00e1 mis vi\u00f0 a\u00f0 upplifa fer\u00f0alagi\u00f0 sem s\u00f6gu\u00fer\u00e6\u00f0inum er \u00e6tla\u00f0 a\u00f0 lei\u00f0a hann \u00ed gegnum. <\/span><\/p>\n

N\u00fa st\u00f6ndum vi\u00f0 \u00e1 krossg\u00f6tum og kve\u00f0jum mann sem hefur loki\u00f0 sinni fer\u00f0. E\u00f0a eigum vi\u00f0 a\u00f0 segja a\u00f0 skil hafi or\u00f0i \u00e1 vegfer\u00f0 hans? Hann er horfinn til n\u00fdrrar v\u00edddar en vi\u00f0 erum h\u00e9r vi\u00f0 krossg\u00f6turnar miklu og \u00edhugum tilvist okkar og vegfer\u00f0. Vi\u00f0 ver\u00f0um einnig a\u00f0 kve\u00f0ja \u00feetta l\u00edf \u00ed fyllingu t\u00edmans.<\/span><\/p>\n

Indri\u00f0i f\u00e6dd\u00adist 15. des\u00adem\u00adber 1927 \u00e1 Siglufir\u00f0i \u00fear sem hann \u00f3lst upp. For\u00adeldr\u00adar hans voru P\u00e1ll \u00c1sgr\u00edms\u00adson, verkama\u00f0ur og s\u00ed\u00f0ar versl\u00adun\u00adar\u00adma\u00f0ur \u00e1 Sigluf\u00adir\u00f0i, og Mar\u00eda Sig\u00adr\u00ed\u00f0ur Indri\u00f0ad\u00f3tt\u00adir, h\u00fas\u00adfreyja \u00e1 Sigluf\u00adir\u00f0i. Al\u00adbr\u00e6\u00f0ur Indri\u00f0a voru Ein\u00adar og \u00c1sgr\u00edm\u00adur, sem b\u00e1\u00f0ir eru l\u00e1tn\u00adir. Systkini Indri\u00f0a fr\u00e1 seinna hj\u00f3na\u00adbandi f\u00f6\u00f0ur hans eru Magn\u00fas, Sig\u00adr\u00ed\u00f0ur og Lilja Krist\u00ad\u00edn.<\/span><\/p>\n

Hann lauk st\u00fad\u00adents\u00adpr\u00f3fi fr\u00e1 MA 1948, lauk emb\u00e6tt\u00adis\u00adpr\u00f3fi \u00ed l\u00f6g\u00adfr\u00e6\u00f0i fr\u00e1 H\u00e1\u00adsk\u00f3la \u00cdslands 1954 og \u00f6\u00f0la\u00f0ist r\u00e9tt\u00adindi sem h\u00e9ra\u00f0sd\u00f3ms\u00adl\u00f6gma\u00f0ur \u00e1ri\u00f0 1958.<\/span><\/p>\n

Indri\u00f0i kv\u00e6nt\u00adist hinn 15. jan\u00fa\u00adar 1955 El\u00edsabetu Gu\u00f0n\u00fdju Her\u00admanns\u00add\u00f3tt\u00adur (f. 1928) fr\u00e1 Sey\u00f0is\u00adfir\u00f0i. \u00dea\u00f0 var g\u00e6fuspor. B\u00f6rn Indri\u00f0a og El\u00edsa\u00adbet\u00adar eru Sig\u00adr\u00ed\u00f0ur, gift Mar\u00adgeiri P\u00e9t\u00adurs\u00adsyni, og Einar P\u00e1ll, kv\u00e6nt\u00adur H\u00f6llu Hall\u00add\u00f3rs\u00add\u00f3tt\u00adur. Barna\u00adb\u00f6rn\u00adin eru fj\u00f6g\u00adur: El\u00edsa\u00adbet Mar\u00adgeirs\u00add\u00f3tt\u00adir, Indri\u00f0i Ein\u00adars\u00adson, Hall\u00add\u00f3r Ein\u00adars\u00adson og Ingi\u00adbj\u00f6rg Ein\u00adars\u00add\u00f3tt\u00adir.<\/span><\/p>\n

A\u00f0 loknu n\u00e1mi ger\u00f0ist Indri\u00f0i full\u00adtr\u00fai hj\u00e1 Sam\u00adeinu\u00f0um verk\u00adt\u00f6k\u00adum \u00e1 Kefla\u00adv\u00edk\u00adur\u00adflug\u00advelli 1955-57. S\u00ed\u00f0an starf\u00adr\u00e6kti hann l\u00f6g\u00adfr\u00e6\u00f0istofu \u00ed Reykja\u00adv\u00edk \u00e1 \u00e1r\u00adun\u00adum 1957-59 og var jafn\u00adframt fram\u00adkv\u00e6mda\u00adstj\u00f3ri F\u00e9\u00adlags l\u00f6g\u00adgiltra rafvirkja\u00admeist\u00adara 1957-58 og Meist\u00adara\u00adsam\u00adbands bygg\u00ading\u00adar\u00admanna 1958-59.<\/span><\/p>\n

\u00c1 \u00e1r\u00adun\u00adum 1959-71 var hann full\u00adtr\u00fai for\u00adstj\u00f3ra hj\u00e1 Ol\u00edu\u00adf\u00e9\u00adlag\u00adinu Skelj\u00adungi hf. en var s\u00ed\u00f0an r\u00e1\u00f0inn for\u00adstj\u00f3ri Skelj\u00adungs \u00e1ri\u00f0 1971. \u00dev\u00ed starfi gegndi hann til \u00e1rs\u00adins 1990 og var s\u00ed\u00f0an stj\u00f3rn\u00adar\u00adforma\u00f0ur Skelj\u00adungs fr\u00e1 1990-99. Indri\u00f0i sat \u00ed stj\u00f3rn Hf. Eim\u00adskipa\u00adf\u00e9\u00adlags \u00cdslands \u00e1 \u00e1r\u00adun\u00adum 1976-99, sem vara\u00adforma\u00f0ur stj\u00f3rn\u00adar 1984-92 og stj\u00f3rn\u00adar\u00adforma\u00f0ur fr\u00e1 1992-99.<\/span>  <\/span><\/span>Kve\u00f0ja fr\u00e1 stj\u00f3rn Eimskipaf\u00e9lagsins. <\/span><\/p>\n

Auk \u00feessa gegndi Indri\u00f0i fj\u00f6l\u00adm\u00f6rg\u00adum tr\u00fana\u00f0ar\u00adst\u00f6rf\u00adum \u00ed at\u00advinnu\u00adl\u00edf\u00adinu, m.a. sat hann \u00ed stj\u00f3rn Flug\u00adlei\u00f0a hf. fr\u00e1 1988-2001 og \u00ed stj\u00f3rn Fer\u00f0askrif\u00adstof\u00adunn\u00adar \u00darvals-\u00dats\u00fdn\u00adar hf. 1987-92. \u00de\u00e1 var hann \u00ed fram\u00adkv\u00e6mda\u00adstj\u00f3rn Vinnu\u00adveit\u00adenda\u00adsam\u00adbands \u00cdslands 1972-78 og \u00ed stj\u00f3rn Versl\u00adun\u00adar\u00adr\u00e1\u00f0s \u00cdslands 1982-1990.<\/span><\/p>\n

Indri\u00f0i var forma\u00f0ur St\u00fad\u00adenta\u00adf\u00e9\u00adlags H\u00cd 1949-50. Hann var f\u00e9\u00adlagi \u00ed R\u00f3tar\u00fd\u00adkl\u00fabbi Reykja\u00adv\u00edk\u00adur og sinnti \u00fear stj\u00f3rn\u00adar\u00adst\u00f6rf\u00adum \u00e1 \u00e1r\u00adun\u00adum 1984-87, \u00fear af sem for\u00adseti 1985-86. Indri\u00f0i var st\u00f3r\u00admeist\u00adari Fr\u00ed\u00adm\u00far\u00adar\u00ada\u00adregl\u00adunn\u00adar \u00e1 \u00cdslandi \u00e1 \u00e1r\u00adun\u00adum 1988-99.<\/span><\/p>\n

Indri\u00f0i var s\u00e6md\u00adur ridd\u00adara\u00adkrossi hinn\u00adar \u00eds\u00adlensku f\u00e1lka\u00ador\u00f0u 1988 og st\u00f3r\u00adridd\u00adara\u00adkrossi 1993.<\/span><\/p>\n

Hl\u00e9 – Kve\u00f0ulag fr\u00edm\u00farara leiki\u00f0 \u00e1 sell\u00f3 og orgel.<\/strong><\/span><\/p>\n

M\u00f3\u00f0urlausi drengurinn, sem h\u00f3f vinnuferli\u00f0 sem sendill, var\u00f0 g\u00e6fuma\u00f0ur \u00ed alla sta\u00f0i. Hann \u00e1tti gott l\u00edf. Hann haf\u00f0i sterkar tilfinningar, var n\u00e1kv\u00e6mur og bar hag fj\u00f6skyldu sinnar \u00e6ti\u00f0 mj\u00f6g fyrir bj\u00f3sti. “Hva\u00f0 get \u00e9g gert fyrir ykkur?” spur\u00f0i hann oft. Hann \u00e1tti g\u00f3\u00f0ar g\u00f3\u00f0ar bernskuminningar. \u00abEin fyrsta minning m\u00edn er \u00feegar Indri\u00f0i afi minn gaf m\u00e9r \u00fer\u00edhj\u00f3l \u00ed afm\u00e6lisgj\u00f6f \u00feegar \u00e9g var fj\u00f6gurra \u00e1ra. . . \u00c9g man l\u00edka vel \u00feegar afi m\u00f3\u00f0urafi minn l\u00e9st \u00ed j\u00fal\u00ed 1932. F\u00f3stursystir m\u00f3\u00f0ur minnar kom heim til okkar og sag\u00f0i vi\u00f0 hana: \u00abMamma ba\u00f0 mig a\u00f0 segja \u00fe\u00e9r a\u00f0 pabbi v\u00e6ri a\u00f0 deyja.\u00bb \u00deessum or\u00f0um gleymi \u00e9g aldrei og \u00e9g held a\u00f0 \u00e9g hafi \u00fe\u00e1 skili\u00f0 hva\u00f0 \u00feau \u00fe\u00fdddu.\u00bb Svo mundi hann v\u00edgslu Siglufjar\u00f0arkirkju 1932. <\/span><\/p>\n

D\u00fdrm\u00e6tt leikfang, dau\u00f0inn og h\u00e1t\u00ed\u00f0 \u00ed kirkju, voru elstu minningarnar – og Siglufj\u00f6r\u00f0ur, \u00f6flugur b\u00e6r \u00ed f\u00f6gru umhverfi, var \u00e6t\u00ed\u00f0 ofarlega \u00ed huga hans.<\/span><\/p>\n

Hann \u00e1tti g\u00f3\u00f0a a\u00f0 og fann \u00fea\u00f0 flj\u00f3tt a\u00f0 hann var traustins ver\u00f0ur, f\u00e9kk g\u00f3\u00f0 st\u00f6rf sem drengur og unglingur og sinnti \u00f6llu af al\u00fa\u00f0 og \u00e1byrg\u00f0. Hann var g\u00f3\u00f0vilja\u00f0ur ma\u00f0ur a\u00f0 e\u00f0lisfari og vildi grei\u00f0a g\u00f6tu allra. Hann var tilfinningavera, tr\u00faa\u00f0ur ma\u00f0ur sem ba\u00f0 b\u00e6nir s\u00ednar og mi\u00f0la\u00f0i \u00fev\u00ed til barna sinna, ba\u00f0 fyrir \u00feeim og fj\u00f6lskyldunni. Hann var mannlegur og einl\u00e6gur en bar \u00fe\u00f3 ekki tilfinningar s\u00ednar \u00e1 torg. B\u00f6rnin segja a\u00f0 hann hafi vilja\u00f0 tryggja \u00feeim gott uppeldi og a\u00f0 \u00feau fengju allt sem hann ekki naut \u00ed \u00e6sku. Hann a\u00f0sto\u00f0a\u00f0i \u00feau og hj\u00e1lpa\u00f0i \u00feeim miki\u00f0. <\/span><\/p>\n

\u00deau minnast daganna \u00feegar hann var forstj\u00f3ri Skeljungs og f\u00f3r me\u00f0 \u00feau \u00ed sunnudagsb\u00edlt\u00far. \u00de\u00e1 var fari\u00f0 \u00e1 eina bens\u00ednst\u00f6\u00f0 hverja helgi. L\u00edfi\u00f0 haf\u00f0i kennt honum og ekki s\u00edst bernskub\u00e6rinn hans, Siglufj\u00f6r\u00f0ur, a\u00f0 allir hef\u00f0u hlutverki a\u00f0 gegna og v\u00e6ru mikilv\u00e6gt tannhj\u00f3l \u00ed v\u00e9l atvinnul\u00edfsins. Forstj\u00f3rinn fylgdist vel me\u00f0 og l\u00e9t sj\u00e1 sig \u00e1 plani, tala\u00f0i vi\u00f0 karlana og spur\u00f0i um l\u00edfi\u00f0 og tilveruna. \u00deessi samt\u00f6l og bi\u00f0in eftir pabbar var kannski ekki heimsins besta sunnudgsskemmtun \u00ed augum systkinanna en \u00feau fengu \u00eds \u00e1 Dairy Queen! – og n\u00fa eru \u00feessar minningar d\u00fdrm\u00e6tar.<\/span><\/p>\n

\u00deegar Einar P\u00e1ll vann sem sendill hj\u00e1 Skeljungi s\u00e1 hann pabba \u00ed n\u00fdju lj\u00f3si. \u00deegar Indri\u00f0i birtist \u00e1 ganginum \u00e1 skrifstofunni reyndu allir a\u00f0 l\u00edta \u00fat fyrir a\u00f0 vera mj\u00f6g \u00abbusy\u00bb. F\u00f3lk bar vir\u00f0ingu fyrir forstj\u00f3ranum og vissi a\u00f0 hann var g\u00f3\u00f0ur stj\u00f3rnandi og r\u00e9tts\u00fdnn. Starfsm\u00f6nnum Skeljungs var hl\u00fdtt til lndri\u00f0a enda vitum vi\u00f0 \u00fea\u00f0 sem honum kynntumst a\u00f0 hann var v\u00e6nn ma\u00f0ur og drengur g\u00f3\u00f0ur. Hann haf\u00f0i gott lag \u00e1 a\u00f0 vera al\u00fe\u00fd\u00f0legur. <\/span><\/p>\n

Hann l\u00e6r\u00f0i a\u00f0 lifa \u00ed \u00f6ldugangi daganna og margir leitu\u00f0u til hans \u00ed gegnum \u00e1rin. Hann var raung\u00f3\u00f0ur og r\u00e1\u00f0hollur. B\u00f6rnin minnast \u00feess a\u00f0 oft sag\u00f0i hann eitthva\u00f0 sem \u00feau voru ekki samm\u00e1la en s\u00ed\u00f0ar kom oftar en ekki \u00ed lj\u00f3s a\u00f0 hann haf\u00f0i haft r\u00e9tt fyrir s\u00e9r.<\/span><\/p>\n

Indri\u00f0i t\u00f3k \u00f6llum \u00e1f\u00f6llum af \u00e6\u00f0ruleysi. Hann \u00feekkti \u00e1stvinamissi \u00far bernsku og \u00feegar hann missti albr\u00e6\u00f0ur s\u00edna me\u00f0 sviplegum h\u00e6tti s\u00fdndi hann karlmennsku og styrk og var \u00e1stvinum \u00feeirra til styrktar og hj\u00e1lpar \u00e1 alla lund. <\/span><\/p>\n

Hans st\u00e6rstu \u00e1hugam\u00e1l voru effin tv\u00f6 e\u00f0a \u00abfr\u00edmin\u00bb tv\u00f6: Fr\u00edm\u00fararareglan og fr\u00edmerkjas\u00f6fnunin. Hann var \u00e1 heimavelli \u00ed b\u00e1\u00f0um deildum. Margir leitu\u00f0u til hans \u00ed \u00feeim efnum og fundu a\u00f0 \u00e6t\u00ed\u00f0 vissi hann s\u00ednu viti.<\/span><\/p>\n

Hann var g\u00e6fuma\u00f0ur \u00ed einkal\u00edfi, eigna\u00f0ist g\u00f3\u00f0a konu, b\u00f6rn, tengdab\u00f6rn og barnab\u00f6rn. El\u00edsabet s\u00e1 um heimili\u00f0 \u00feeirra sem bar \u00e6t\u00ed\u00f0 smekkv\u00edsi beggja vitni. <\/span><\/p>\n

Indri\u00f0i var fagurkeri, safna\u00f0i m\u00e1lverkum og naut \u00feess a\u00f0 hafa fagra hluti \u00ed kringum sig. <\/span><\/p>\n

El\u00edsabet stjana\u00f0i jafnan vi\u00f0 b\u00f3nda sinn og hann naut \u00feess er h\u00fan dansa\u00f0i \u00ed kringum hann. <\/span><\/p>\n

\u00deau voru n\u00e6gjus\u00f6m og fagurt heimili \u00feeirra var ekki yfirdrifi\u00f0 e\u00f0a ofurst\u00f3rt en \u00fea\u00f0 var f\u00e1ga\u00f0. \u00deau f\u00f3ru \u00ed fyrsta skipti \u00ed sumarfr\u00ed \u00e1ri\u00f0 1972 og \u00fe\u00e1 til Sp\u00e1nar. Fj\u00f6lskyldan var saman \u00ed \u00feeirri fer\u00f0 og allir nutu l\u00edfsins. Eftir \u00fea\u00f0 f\u00f3ru \u00feau hj\u00f3nin \u00e1rlega til \u00ed \u00fatlanda og \u00ed ein 20 \u00e1r til Fl\u00f3r\u00edda. Indri\u00f0i var ekki n\u00fdjungagjarn. Ef honum l\u00edka\u00f0i vel \u00e1 einum sta\u00f0 \u00fe\u00e1 vildi hann \u00feanga\u00f0 aftur. <\/span><\/p>\n

\u00deau eignu\u00f0ust sumarb\u00fa\u00f0sta\u00f0 \u00e1 \u00deingv\u00f6llum og nutu n\u00e1tt\u00faru og fegur\u00f0ar \u00fear \u00ed nokkur \u00e1r og ger\u00f0u gr\u00f3\u00f0ri og n\u00e1tt\u00faru vel til, en seldu hann \u00feegar \u00feau voru h\u00e6tt a\u00f0 gista \u00fear. <\/span><\/p>\n

Indri\u00f0i var vanafastur. Honum l\u00edka\u00f0i regla og rit\u00faal, festa og fyrirhyggja. Hann f\u00f3r \u00e1rum saman a\u00f0 morgni dags \u00ed sundlaugina \u00ed Laugardalnum og \u00fear eigna\u00f0ist hann g\u00f3\u00f0a vini. Indri\u00f0 var fremur sparsamur hva\u00f0 var\u00f0a\u00f0i suma hlut \u00ed \u00fea\u00f0 minnsta. Sundf\u00e9lagarnir spl\u00e6stu \u00ed \u00ed\u00fer\u00f3ttat\u00f6sku handa honum og h\u00f6f\u00f0u hengt \u00e1 hana merki ol\u00eduf\u00e9laganna, l\u00edklega \u00fe\u00f3 bara keppinautanna! Hann haf\u00f0i nota\u00f0 plastpoka \u00e1rum saman og b\u00f6rnin hans halda a\u00f0 hann hafi jafnvel ekki nota\u00f0 t\u00f6skuna neitt a\u00f0 r\u00e1\u00f0i e\u00f0a jafnvel alls ekki! Pokinn dug\u00f0i.<\/span><\/p>\n

\u00deegar hann kom heim a\u00f0 kv\u00f6ldi og haf\u00f0i fylgst me\u00f0 fr\u00e9ttum f\u00f3r hann gjarnan a\u00f0 sinna fr\u00edmerkjum s\u00ednum. Um helgar var oft fari\u00f0 \u00e1 m\u00e1lverkas\u00fdningar og \u00ed b\u00edlt\u00far. Hann s\u00e1 til \u00feess a\u00f0 \u00feegar hann f\u00e9kk n\u00fdjan b\u00edl \u00e1 5 \u00e1ra fresti e\u00f0a svo a\u00f0 n\u00fdi b\u00edllinn v\u00e6ri \u00ed sama lit og s\u00e1 gamli og me\u00f0 sama n\u00fameri: R715. \u00c6t\u00ed\u00f0 var b\u00edllinn tandurhreinn og b\u00f3na\u00f0ur.<\/span><\/p>\n

Indri\u00f0i vildi standa \u00e1 eigin f\u00f3tum og vera ekki upp\u00e1 a\u00f0ra kominn. L\u00edfi\u00f0 haf\u00f0i kennt honum a\u00f0 standa sig. Samband hans og h\u00e1lfsystkina hans \u00f3x me\u00f0 \u00e1runum og \u00feau s\u00fdndu honum og fj\u00f6lskyldu hans mikla r\u00e6ktarsemi. \u00deau komu til hans reglulega. \u00cd hverri viku f\u00e9kk hann heims\u00f3kn. El\u00edsabet hefur veri\u00f0 heilsul\u00edtil s\u00ed\u00f0ustu \u00e1rin en geta\u00f0 veri\u00f0 heima vegna umhyggju og elsku Indri\u00f0a. <\/span><\/p>\n

Hann ger\u00f0i m\u00f6rgum grei\u00f0a um \u00e6vina en l\u00e9t s\u00edn ekki vi\u00f0 geti\u00f0 \u00feegar hann vann s\u00edn g\u00f3\u00f0verk. <\/span><\/p>\n

Vi\u00f0 kve\u00f0jum h\u00e9r \u00ed dag, g\u00e6fumann og \u00f6\u00f0ling. G\u00e6fan er kannski ekki \u00fea\u00f0 sem menn f\u00e1 \u00ed fangi\u00f0 heldur \u00fea\u00f0 sem menn lei\u00f0a fram me\u00f0 eigin hugsun og verki. \u00abHver er sinnar g\u00e6fu smi\u00f0ur\u00bb segir \u00ed m\u00e1lt\u00e6kinu. G\u00e6fan er andleg afur\u00f0. <\/span><\/p>\n

P\u00e1ll fa\u00f0ir hans orti:<\/span><\/p>\n

\n

\u00c9g er n\u00fa gla\u00f0ur \u00e1 gengnum degi <\/span><\/p>\n

gu\u00f0i s\u00e9 lof \u00e9g kvarta eigi<\/p>\n

\u00fev\u00ed hamingjan hefur hossa\u00f0 m\u00e9r <\/span><\/p>\n

\u00e1 h\u00f6ndum sem m\u00e1ski enginn s\u00e9r.<\/p>\n<\/blockquote>\n

Efni og andi.<\/span><\/p>\n

L\u00edfi\u00f0 er ekki bara dautt efni heldur lifandi p\u00fals, hjartsl\u00e1ttur himins-elsku \u00ed brj\u00f3sti manns. \u00de\u00fa finnur \u00fea\u00f0 \u00feegar \u00fe\u00fa hittir f\u00f3lk hvernig hjarta \u00feeirra er, hvort brj\u00f3stkirkjan er lifandi e\u00f0a ekki. Indri\u00f0i haf\u00f0i \u00fatgeislun g\u00f3\u00f0s manns. Hann var heillyndur og tr\u00far \u00ed s\u00ednum verkum, ekki fullkominn frekar en vi\u00f0, en v\u00e6nn ma\u00f0ur og drengur g\u00f3\u00f0ur. Hin s\u00ed\u00f0ari misserin og \u00e1rin kom hann oft hinga\u00f0 \u00ed Neskirkju. H\u00e9r er hann kvaddur me\u00f0 vir\u00f0ingu og \u00fe\u00f6kk, undir t\u00e1kni krossins og vatnsmerki sk\u00edrnarinnar, sem skilar \u00feeim heim sem Drottinn hefur helga\u00f0 s\u00e9r. T\u00e1kn krossin og vatnsmerki sk\u00edrnarinnar, \u00fea\u00f0 er fr\u00edmerki\u00f0 \u00e1 l\u00edfi okkar.<\/span><\/p>\n

\u00datf\u00f6r er sorgarath\u00f6fn en \u00e1 m\u00f3ti vegur a\u00f0 h\u00fan er \u00ed tilfelli eins og \u00feessu, \u00feakkarh\u00e1t\u00ed\u00f0, fyrir \u00fea\u00f0 l\u00edf sem hvatt er.<\/span><\/p>\n

Indri\u00f0i er horfin af \u00feessu heimi efnis og anda. En andinn e\u00f0a s\u00e1lin lifir uns h\u00fan sameinast aftur \u00ed upprisunni \u00e1 efsta degi. S\u00e9ra Hallgr\u00edmur orti og ba\u00f0:<\/span><\/p>\n

\n

Vaktu, minn Jes\u00fa, vaktu \u00ed m\u00e9r, <\/span><\/p>\n

vaka l\u00e1ttu mig eins \u00ed \u00fe\u00e9r. <\/span><\/p>\n

S\u00e1lin vaki, \u00fe\u00e1 sofnar l\u00edf, <\/span><\/p>\n

s\u00e9 h\u00fan \u00e6t\u00ed\u00f0 \u00ed \u00feinni hl\u00edf. <\/span><\/p>\n<\/blockquote>\n

Megi hinn h\u00e6sti h\u00f6fu\u00f0smi\u00f0ur himins og jar\u00f0ar, g\u00e6ta hans og geyma um alla eil\u00edf\u00f0 \u00ed \u00feeirri v\u00eddd tilverunnar, sem vi\u00f0 n\u00fa beinum vonum okkar til, \u00fear sem \u00e1stvinir m\u00e6tast og m\u00f3\u00f0ir og fa\u00f0ir, fa\u00f0ma \u00e1 n\u00fd k\u00e6ran son og brj\u00f3stkirkjan sameinast helgid\u00f3mi himinsins.<\/span><\/p>\n

Blessu\u00f0 s\u00e9 minning Indri\u00f0a P\u00e1lssonar.<\/span><\/p>\n

D\u00fdr\u00f0 s\u00e9 Gu\u00f0i, f\u00f6\u00f0ur og syni og heil\u00f6gum anda. Svo sem var \u00ed upphafi er og ver\u00f0ur um aldri alda.<\/span><\/p>\n

Amen.<\/span><\/p>\n

Tilkynningar.<\/span><\/p>\n

Taki\u00f0 postullegri blessun:<\/span><\/p>\n

Gu\u00f0 vonarinnar fylli y\u00f0ur \u00f6llum f\u00f6gnu\u00f0i og fri\u00f0i \u00ed tr\u00fanni. Svo a\u00f0 \u00fe\u00e9r s\u00e9u\u00f0 au\u00f0ug af voninni \u00ed krafti heilags anda. Amen.<\/span><\/p>\n

S\u00e1lmaskr\u00e1 Indri\u00f0i P\u00e1lsson 3 br<\/a><\/p>\n","protected":false},"excerpt":{"rendered":"

\u00d6rn B\u00e1r\u00f0ur J\u00f3nsson Minningaror\u00f0 Indri\u00f0i P\u00e1lsson 1927-2015 fv. forstj\u00f3ri Skeljungs og fv. st\u00f3rmeistari Fr\u00edm\u00fararareglunnar. \u00datf\u00f6r fr\u00e1 Neskirkju \u00feri\u00f0judaginn 26. ma\u00ed 2015 kl. 13 R\u00e6\u00f0una er h\u00e6gt a\u00f0 lesa og einnig hl\u00fd\u00f0a \u00e1 hlj\u00f3\u00f0uppt\u00f6ku h\u00e9r fyrir ne\u00f0an. S\u00e1lmaskr\u00e1in er einnig birt ne\u00f0anm\u00e1ls.<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"_jetpack_newsletter_access":"","_jetpack_dont_email_post_to_subs":false,"_jetpack_newsletter_tier_id":0,"_jetpack_memberships_contains_paywalled_content":false,"_jetpack_hide_featured_image":false,"_jetpack_featured_image_duplicate_dismissed":0,"_jetpack_feature_clip_id":0,"_jetpack_memberships_contains_paid_content":false,"footnotes":"","jetpack_post_was_ever_published":false},"categories":[4],"tags":[],"class_list":["post-1579","post","type-post","status-publish","format-standard","hentry","category-greinar-og-hugvekjur-articles"],"jetpack_sharing_enabled":true,"jetpack_featured_media_url":"","_links":{"self":[{"href":"https:\/\/ornbardur.com\/index.php?rest_route=\/wp\/v2\/posts\/1579","targetHints":{"allow":["GET"]}}],"collection":[{"href":"https:\/\/ornbardur.com\/index.php?rest_route=\/wp\/v2\/posts"}],"about":[{"href":"https:\/\/ornbardur.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/ornbardur.com\/index.php?rest_route=\/wp\/v2\/users\/2"}],"replies":[{"embeddable":true,"href":"https:\/\/ornbardur.com\/index.php?rest_route=%2Fwp%2Fv2%2Fcomments&post=1579"}],"version-history":[{"count":0,"href":"https:\/\/ornbardur.com\/index.php?rest_route=\/wp\/v2\/posts\/1579\/revisions"}],"wp:attachment":[{"href":"https:\/\/ornbardur.com\/index.php?rest_route=%2Fwp%2Fv2%2Fmedia&parent=1579"}],"wp:term":[{"taxonomy":"category","embeddable":true,"href":"https:\/\/ornbardur.com\/index.php?rest_route=%2Fwp%2Fv2%2Fcategories&post=1579"},{"taxonomy":"post_tag","embeddable":true,"href":"https:\/\/ornbardur.com\/index.php?rest_route=%2Fwp%2Fv2%2Ftags&post=1579"}],"curies":[{"name":"wp","href":"https:\/\/api.w.org\/{rel}","templated":true}]}}